نوید صادق
محفلین
غزل
حقیقت سے کہاں پردہ اٹھایا جا رہا ہے
یہ قصہ یوں نہیں جیسے بتایا جا رہا ہے
کھرچ ڈالے گئے سب حرف نوری تختیوں سے
فقط رنگوں میں گم رہنا سکھایا جا رہا ہے
کوئی ترتیبِ با معنی کہاں منظور اس کو
سو اپنی جا سے ہر شے کو ہٹایا جا رہا ہے
عدو سے سر نکلنے پر خجالت ہے کچھ ایسی
جبیں خم کر کے قد اس کا بڑھایا جا رہا ہے
سروکار اور ہی اپنا چکے ہیں اہلِ دل بھی
دماغ اس کا کسے؟ وہ آ رہا یا جا رہا ہے
ہوا جاتا ہے اپنے گھر میں بھی ہر شخص تنہا
یہ کیسا عالمی گاؤں بسایا جا رہا ہے
یہی ٹھہری جو رفتارِ ہوائے کج کلاہی
تو سمجھو سر سے سرداری کا سایہ جا رہا ہے
(جلیل عالی)
۔۔۔۔۔۔۔۔۔۔۔۔۔۔۔۔۔۔۔
شکریہ:ماہنامہ بیاض: فروری 2009ء
حقیقت سے کہاں پردہ اٹھایا جا رہا ہے
یہ قصہ یوں نہیں جیسے بتایا جا رہا ہے
کھرچ ڈالے گئے سب حرف نوری تختیوں سے
فقط رنگوں میں گم رہنا سکھایا جا رہا ہے
کوئی ترتیبِ با معنی کہاں منظور اس کو
سو اپنی جا سے ہر شے کو ہٹایا جا رہا ہے
عدو سے سر نکلنے پر خجالت ہے کچھ ایسی
جبیں خم کر کے قد اس کا بڑھایا جا رہا ہے
سروکار اور ہی اپنا چکے ہیں اہلِ دل بھی
دماغ اس کا کسے؟ وہ آ رہا یا جا رہا ہے
ہوا جاتا ہے اپنے گھر میں بھی ہر شخص تنہا
یہ کیسا عالمی گاؤں بسایا جا رہا ہے
یہی ٹھہری جو رفتارِ ہوائے کج کلاہی
تو سمجھو سر سے سرداری کا سایہ جا رہا ہے
(جلیل عالی)
۔۔۔۔۔۔۔۔۔۔۔۔۔۔۔۔۔۔۔
شکریہ:ماہنامہ بیاض: فروری 2009ء