سید زبیر
محفلین
حمایت علی شاعر : نذرانہ عقیدت بنام منٹو
یہ دور جس میں دل کا نہیں ہے کوئی مقام
پتھر سے کررہا ہے جو شیشے کا احترام
اس دور میں جرأت رندانہ دل کی بات
کہتا رہا کوئی تو منٹو تھا اس کا نام
۔۔۔۔۔۔
منٹو کہ جس نے زہر پیا ہے بہ ہر نفس
اور زندگی کا نام لیا ہے تمام عمر
تہذیب کا کھرچ کے ہر اک غازۂ فریب
انسان کا انتقام لیا ہے تمام عمر
۔۔۔۔۔۔
کیا کچھ نہ دل پہ بیت گئی ہے نہ پوچھیے
جب یہ کہا کسی نے کہ منٹو گذر گیا
یوں دل دھڑک کہ ہوگیا خاموش یک بہ یک
جیسے خود اپنے گھر کا کوئی فرد مر گیا
