حمد برائے اصلاح

[ارشد چوہدری]

بحر (رمل مثمن مشکول مسکّن ) مفعول فاعلاتن مفعول فاعلاتن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں تیری ذات کی کچھ ٭ پہچان چاہتا ہوں
ڈُولے نہ جو کبھی وہ ٭ ایمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری ہوں چاہتیں سب ٭ تیرے لئے ہی یا رب
جو دل میں ہی رہے وہ ٭ ارمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب نعمتیں جہاں کی ٭ دنیا میں ہی رہیں گی
جو ساتھ میرے جائے ٭ سامان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے لئے ہو جائے ٭ قربان جان میری
تیرے ہی در پہ پھیلے ٭ دامان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرا خیال تیرے ٭ فرمان کی طرف ہو (دھیان )
یا رب یہی میں تجھ سے ٭ احسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا سمجھ نہ آئے ٭ مشکل بہت ہے دنیا ( دنیا کی سمجھ نہیں ہے )
دنیا سمجھ میں آئے ٭ وجدان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو چاہتے ہوں تجھ کو ٭ محفل مجھے عطا کر
اُن سے ملے جو مجھ کو ٭ فیضان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے لئے ہی جینا ٭ ارشد تو چاہتا ہے
تیرے لئے ہی مرنا ٭ ذیشان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اس زمین کا کلام تو دیکھ چکا ہوں، ایسا یاد آ رہا ہے
میں تیری ذات کی کچھ ٭ پہچان چاہتا ہوں
ڈُولے نہ جو کبھی وہ ٭ ایمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

میری ہوں چاہتیں سب ٭ تیرے لئے ہی یا رب
جو دل میں ہی رہے وہ ٭ ارمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ارمان دل سے باہر بھی رہ سکتے ہیں کیا؟

سب نعمتیں جہاں کی ٭ دنیا میں ہی رہیں گی
جو ساتھ میرے جائے ٭ سامان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست ۔
تیرے لئے ہو جائے ٭ قربان جان میری
تیرے ہی در پہ پھیلے ٭ دامان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہو جائے کو 'ہُجائے' تقطیع ہونا اچھا نہیں لگتا

میرا خیال تیرے ٭ فرمان کی طرف ہو (دھیان )
یا رب یہی میں تجھ سے ٭ احسان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

دنیا سمجھ نہ آئے ٭ مشکل بہت ہے دنیا ( دنیا کی سمجھ نہیں ہے )
دنیا سمجھ میں آئے ٭ وجدان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وجدان سے دنیا کا سمجھ میں آنا ہی سمجھ میں نہیں آتا عقل و ادراک کی ضرورت ہے نہ کہ وجدان کی

جو چاہتے ہوں تجھ کو ٭ محفل مجھے عطا کر
اُن سے ملے جو مجھ کو ٭ فیضان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاید یہ کہنا چاہ رہے ہیں کہ تیرے چاہنے والوں کی محفل عطا کی جائے لیکن یہ معنی اظہار بیان سے ظاہر نہیں ہو رہے

تیرے لئے ہی جینا ٭ ارشد تو چاہتا ہے
تیرے لئے ہی مرنا ٭ ذیشان چاہتا ہوں
تو وہی بھرتی کا لفظ ہے
ذیشان محض قافیہ ہے اللہ کا نام نہیں، ہاں صفت مانی جا سکتی ہے

 

[ارشد چوہدری]

صحیح فر مایا آپ نے ،لیکن اُس وقت بحر میں نہیں تھا اس لئے دوبارا لکھا۔ کچھ اشعار تو تھیک ہو گئے ۔جن میں اغلاط ہیں اُن کی تصحیح کے بعد دوبارا حاضری دوں گا

 

[ارشد چوہدری]

الف عین

 

[ارشد چوہدری]

آداب-- استادِ محترم ( جن اشعار کی نشاندہی فرمائی تھی آپ نے ان میں تبدیلیاں کی ہیں )
میری ہوں چاہتیں سب ۔۔۔۔۔۔تیرے لئے ہی یا رب
جائے کبھی نہ دل سے ۔۔۔۔۔ ارمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا ہوں جان اپنی --- قربان تجھ پہ یا رب
تیرے ہی در پہ پھیلے ۔۔۔۔ دامان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا سمجھ نہ آئے ۔۔۔۔۔ مشکل بہت ہے دنیا
یا رب مجھے عطا کر ۔۔۔۔ وجدان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے لئے ہی جینا ۔۔۔ ارشد تو چاہتا ہے
تیرے لئے ہی مرنا ۔۔۔۔ رحمان چاہتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
( استادِ محترم ۔۔ بعض عالم کہتے ہیں کہ جب اللہ کے لئےلکھنا ہو تو رحمن ،کھڑی زبر کے ساتھ لکھا جائے۔ آواز کے لحاظ سے تو شائد دونوں ٹھیک ہوں مگر قوافی کے لحاظ سے شائد رحمان ٹھیک ہو باقی آپ بہتر جانتے ہیں ۔

 

[ارشد چوہدری]

الف عین