فاتح
لائبریرین
حُور
سرمایہ دار دی بیوی:
میرے نالوں وال وی تیرے لمّے نیں
میرے نالوں رنگ وی تیرا چٹّا اے
میرے نالوں اکھ وی تیری چنگی اے
میرے نالوں نک وی تیرا تکھّا اے
پر مٹیارے
دس نی مینوں! سر تے پاٹی چدّر کیوں؟
ریشم ورگے جُثّے اُتّے کھدّر کیوں؟
تیرے سر تے جوڑا کیوں نئیں؟
ہتھیں رنگلا چُوڑا کیوں نئیں؟
کوکا کتھے تیرے نک دا؟
بُلّاں اُتّے رنگ نئیں سک دا
سر توں لے کے پیراں تکر
اک مکمل توں تصویر
سسّی، سوہنی، لگّیں ہیر
حلیہ مینوں دسّے تیرا
والی وارث کوئی نئیں تیرا؟
مزدور دی بیوی:
اینج نہ کہو نی! خیری صلّا
جگ جگ جیوے میرا مَلّا
ایس دھرتی دا نور نی اڑیے
اوہدا ناں مزدور نی اڑیے
جس دی میں آں ہور نی اڑیے
اُس نوں ایویں چنگی لگّاں
اُس نوں ایویں چنگی لگّاں
(بابا نجمی)
سرمایہ دار دی بیوی:
میرے نالوں وال وی تیرے لمّے نیں
میرے نالوں رنگ وی تیرا چٹّا اے
میرے نالوں اکھ وی تیری چنگی اے
میرے نالوں نک وی تیرا تکھّا اے
پر مٹیارے
دس نی مینوں! سر تے پاٹی چدّر کیوں؟
ریشم ورگے جُثّے اُتّے کھدّر کیوں؟
تیرے سر تے جوڑا کیوں نئیں؟
ہتھیں رنگلا چُوڑا کیوں نئیں؟
کوکا کتھے تیرے نک دا؟
بُلّاں اُتّے رنگ نئیں سک دا
سر توں لے کے پیراں تکر
اک مکمل توں تصویر
سسّی، سوہنی، لگّیں ہیر
حلیہ مینوں دسّے تیرا
والی وارث کوئی نئیں تیرا؟
مزدور دی بیوی:
اینج نہ کہو نی! خیری صلّا
جگ جگ جیوے میرا مَلّا
ایس دھرتی دا نور نی اڑیے
اوہدا ناں مزدور نی اڑیے
جس دی میں آں ہور نی اڑیے
اُس نوں ایویں چنگی لگّاں
اُس نوں ایویں چنگی لگّاں
(بابا نجمی)
