حُسین ہی تو ہیں وہ بحرِ بے کرانِ حیات - یکتا امروہوی

[حسان خان]

حُسین ہی تو ہیں وہ بحرِ بے کرانِ حیات​

ردائیں جن کے حرم کی ہیں بادبانِ حیات​

​

ازل سے تا بہ ابد میرِ کاروانِ حیات​

جدھر یہ چاہیں اُدھر پھیر دیں عنانِ حیات​

​

زمینِ زندگیِ جاوداں ہے زیرِ نگیں​

انہی کے قبضۂ قدرت میں آسمانِ حیات​

​

ملی ہے اِن سے غرورِ اجل کو پسپائی​

یہ زندگی کے ہیں فاتح، یہ کامرانِ حیات​

​

ہر اک قدم پہ درخشاں ہے نقشِ پا اِن کا​

یہ نقشِ پا، رہِ ہستی میں ہے نشانِ حیات​

​

انہی کی راہِ محبت ہے ایک نور کا خط​

انہی کی راہِ محبت ہے کہکشانِ حیات​

​

انہی کے نام پہ مرنا ہے زندگی کی نوید​

انہی کے نام پہ مرتے ہیں سرخوشانِ حیات​

​

اُدھر اُدھر کی فضا ہو گئی حیات آثار​

جدھر جدھر یہ گئے لے کے کاروانِ حیات​

​

پیامِ زندگیِ جاوداں انہی نے دیا​

قسم ہے خالقِ جاں کی یہی ہیں جانِ حیات​

​

انہی کے دم سے ہے دنیائے زندگی قائم​

نہ ہو جو آپ کا قائم، مٹے جہانِ حیات​

​

دوسرے مصرعے میں قائم سے امام مہدی مراد ہیں۔​

​

انہی کے فیضِ نگاہِ حیات آگیں سے​

ہے کربلا کی زمیں آج آسمانِ حیات​

​

بنایا تیغ کے پانی کو جس نے آبِ بقا​

دیا وہ موت کی صورت میں امتحانِ حیات​

​

جو اِن کے سر پہ حوادث کے چھائے تھے بادل​

وہ آج ہیں سرِ امت پہ سائبانِ حیات​

​

کلائی موت کی بڑھ کر مروڑ دیتے تھے​

بڑے غضب کے جیالے ہیں عاشقانِ حیات​

​

جو ہونی چاہیے دراُصل اک حیات کی شان​

بس اِن کے در پہ نظر آئے گی وہ شانِ حیات​

​

کسی شہید سے سن لو حیات کی تشریح ​

نہیں ہے ایک، بہتّر ہیں ترجمانِ حیات​

​

یہی ہیں محرمِ اسرارِ زندگی یکتا​

انہی کو حق نے بنایا ہے رازدانِ حیات​

​

(یکتا امروہوی)​

 

[مدیحہ گیلانی]

سبحان اللہ ۔۔۔۔ نہایت لاجواب انتخاب !

پیامِ زندگیِ جاوداں انہی نے دیا

قسم ہے خالقِ جاں کی یہی ہیں جانِ حیات۔
​

 

[سیدہ شگفتہ]

حُسین ہی تو ہیں وہ بحرِ بے کرانِ حیات​

ردائیں جن کے حرم کی ہیں بادبانِ حیات​

​

ازل سے تا بہ ابد میرِ کاروانِ حیات​

جدھر یہ چاہیں اُدھر پھیر دیں عنانِ حیات​

​

زمینِ زندگیِ جاوداں ہے زیرِ نگیں​

انہی کے قبضۂ قدرت میں آسمانِ حیات​

​

ملی ہے اِن سے غرورِ اجل کو پسپائی​

یہ زندگی کے ہیں فاتح، یہ کامرانِ حیات​

​

ہر اک قدم پہ درخشاں ہے نقشِ پا اِن کا​

یہ نقشِ پا، رہِ ہستی میں ہے نشانِ حیات​

​

انہی کی راہِ محبت ہے ایک نور کا خط​

انہی کی راہِ محبت ہے کہکشانِ حیات​

​

انہی کے نام پہ مرنا ہے زندگی کی نوید​

انہی کے نام پہ مرتے ہیں سرخوشانِ حیات​

​

اُدھر اُدھر کی فضا ہو گئی حیات آثار​

جدھر جدھر یہ گئے لے کے کاروانِ حیات​

​

پیامِ زندگیِ جاوداں انہی نے دیا​

قسم ہے خالقِ جاں کی یہی ہیں جانِ حیات​

​

انہی کے دم سے ہے دنیائے زندگی قائم​

نہ ہو جو آپ کا قائم، مٹے جہانِ حیات​

​

دوسرے مصرعے میں قائم سے امام مہدی مراد ہیں۔​

​

انہی کے فیضِ نگاہِ حیات آگیں سے​

ہے کربلا کی زمیں آج آسمانِ حیات​

​

بنایا تیغ کے پانی کو جس نے آبِ بقا​

دیا وہ موت کی صورت میں امتحانِ حیات​

​

جو اِن کے سر پہ حوادث کے چھائے تھے بادل​

وہ آج ہیں سرِ امت پہ سائبانِ حیات​

​

کلائی موت کی بڑھ کر مروڑ دیتے تھے​

بڑے غضب کے جیالے ہیں عاشقانِ حیات​

​

جو ہونی چاہیے دراُصل اک حیات کی شان​

بس اِن کے در پہ نظر آئے گی وہ شانِ حیات​

​

کسی شہید سے سن لو حیات کی تشریح ​

نہیں ہے ایک، بہتّر ہیں ترجمانِ حیات​

​

یہی ہیں محرمِ اسرارِ زندگی یکتا​

انہی کو حق نے بنایا ہے رازدانِ حیات​

​

(یکتا امروہوی)​

بہت عمدہ، بہت خوبصورت، کس درجہ شان یکتائی ہے!

 

[سید زبیر]

سبحان اللہ ۔ ۔
حُسین ہی تو ہیں وہ بحرِ بے کرانِ حیات
ردائیں جن کے حرم کی ہیں بادبانِ حیات
نہائت عمدہ کلام

 

[کاشف اکرم وارثی]

جزاک اللہ خیر۔۔۔

 

[اکمل زیدی]

انہی کو حق نے بنایا ہے رازدانِ حیات