حکومت میں ہمیں لُوٹ کے جانے کیلئے آ

[جعفر بشیر]

حکومت میں ہمیں لُوٹ کے جانے کیلئے آ
زر سارا ہی باہر پہنچانے کیلئے آ

تجوریاں کبھی تیری یہ بھری ہیں نہ بھریں گی
ٹیکس ’ اہلِ وطن ‘ کا ہی لگانے کیلئے آ

کھوکھلے نعروں سے ہمیں بہلایا ہے تُونے
جاں فَزا نعرہ نیا کوئی سُنانے کیلئے آ

خاموش ! اَے غُربت کو مِٹانے والے
غُربت ہی کیوں غریب مِٹانے کیلئے آ

ہیں مظلوم پہ ظُلم و ستم روز کے قصّے
تشفّیوں سے سیاست چمکانے کیلئے آ

زخموں میں کمی دیکھو نہ ہو جائے ہمارے
شجر پھر سے تُو زخموں کے اُگانے کیلئے آ

فضلِ ربّی سے مرے مُلک میں اب بھی بہت ہے
گر شرم نہیں تُجھ کو تو کھانے کیلئے آ

جعفر بشیر جعفرؔ