حسن رضا خاکِ طیبہ کی اگر دل میں ہو وُقعت محفوظ

[ڈاکٹر مشاہد رضوی]

خاکِ طیبہ کی اگر دل میں ہو وُقعت محفوظ​

​

​

​

خاکِ طیبہ کی اگر دل میں ہو وقعت محفوظ​

عیبِ کوری سے رہے چشمِ بصیرت محفوظ​

دل میں روشن ہو اگر شمع وِلاے مولیٰ​

دُزدِ شیطا ں سے رہے دین کی دولت محفوظ​

یا خدا محو نظارہ ہوں یہاں تک آنکھیں​

شکل قرآں ہو مرے دل میں وہ صورت محفوظ​

سلسلہ زُلفِ مبارک سے ہے جس کے دل کو​

ہر بَلا سے رکھے اﷲ کی رحمت محفوظ​

تھی جو اُس ذات سے تکمیل فرامیں منظور​

رکھی خاتم کے لیے مہر نبوت محفوظ​

اے نگہبان مرے تجھ پہ صلوٰۃ اور سلام​

دو جہاں میں ترے بندے ہیں سلامت محفوظ​

واسطہ حفظِ الٰہی کا بچا رہزن سے​

رہے ایمانِ غریباں دمِ رحلت محفوظ​

شاہیِ کون و مکاں آپ کو دی خالق نے​

کنز قدرت میں اَزل سے تھی یہ دولت محفوظ​

تیرے قانون میں گنجائش تبدیل نہیں​

نسخ و ترمیم سے ہے تری شریعت محفوظ​

جسے آزاد کرے قامتِ شہ کا صدقہ​

رہے فتنوں سے وہ تا روزِ قیامت محفوظ​

​

اُس کو اَعدا کی عداوت سے ضرر کیا پہنچے​

جس کے دل میں ہو حسنؔ اُن کی محبت محفوظ​

​

​

 

[مہ جبین]

جسے آزاد کرے قامتِ شہ کا صدقہ
رہے فتنوں سے وہ تا روزِ قیامت محفوظ

اُس کو اَعدا کی عداوت سے ضرر کیا پہنچے
جس کے دل میں ہو حسنؔ اُن کی محبت محفوظ
​

​

سبحان اللہ​

جزاک اللہ​

 

[نایاب]

سبحان اللہ