فرخ منظور
لائبریرین
خاک اُڑتی ہے چار سُو اے دوست
جانے کس دشت میں ہے تو اے دوست
پھر وہی میں گزیدہء محفل
پھر وہی تیری آرزو اے دوست
مجھ سے سلجھی نہیں ہے زلفِ خیال
ذہن اُلجھتا ہے مو بہ مو اے دوست
نکتہ بیں، نکتہ آفریں ہے کون
کیجیٔے کس سے گفتگو اے دوست
تو نہیں ہے تو زہر لگتی ہے
میکدے کی یہ ہاﺅ ہو اے دوست
کتنے احباب ہیں سر ِ مجلس
پر کسی میں وہ خُو نہ بُو اے دوست
میں بھرے میکدے میں تنہا ہوں
کون تنہا کا ہم سبو اے دوست
ہر کسی کی زبان شعلہ فشاں
ہر کسی کا مزاج لو اے دوست
کچھ میں کچھ کچھ تری شباہت ہے
کون ہے تجھ سا ہو بہو اے دوست
جل اُٹھا ہے چراغ ِ بوسہ پھر
روشنی سی ہے چار سُو اے دوست
نہیں ملنا تو یاد بھی نہیں آ
تار ِ احساس بھی نہ چھو اے دوست
گھومتا ہوں کسی بگولے سا
جانے کس کی ہے جستجو اے دوست
وہ تعلق بھی دھوپ چھاﺅں سا
کتنا مبہم تھا اے عدو، اے دوست
یوں تو اک بار جو بچھڑ جائے
کب ملا ہے مگر کبھو، اے دوست
اے قرار ِ دل و نگاہ، بیا
زخم داریم بی رفو اے دوست
ق
آج ہے کس کی آبرو اے دوست
شہر کا شہر تند خو اے دوست
کچھ ہیولے ہیں ہر طرف رقصاں
کوئی غوغا ہے کو بہ کو اے دوست
ہر کوئی زیر ِ سایہء شمشیر
ہر کوئی طوق در گلو اے دوست
شہر ِ دامان و دل دریدہ ہے
ہر کوئی ہے لہو لہو اے دوست
پائمالی سی پائمالی ہے
باغ کا باغ بے نمو اے دوست
رنگِ امکاں نظر نہیں آتا
سنگِ زنداں ہے سُرخرو اے دوست
آ، کہ روشن کریں چراغ ِ سبو
شام بھی ہے لہو لہو اے دوست
(اختر عثمان)
جانے کس دشت میں ہے تو اے دوست
پھر وہی میں گزیدہء محفل
پھر وہی تیری آرزو اے دوست
مجھ سے سلجھی نہیں ہے زلفِ خیال
ذہن اُلجھتا ہے مو بہ مو اے دوست
نکتہ بیں، نکتہ آفریں ہے کون
کیجیٔے کس سے گفتگو اے دوست
تو نہیں ہے تو زہر لگتی ہے
میکدے کی یہ ہاﺅ ہو اے دوست
کتنے احباب ہیں سر ِ مجلس
پر کسی میں وہ خُو نہ بُو اے دوست
میں بھرے میکدے میں تنہا ہوں
کون تنہا کا ہم سبو اے دوست
ہر کسی کی زبان شعلہ فشاں
ہر کسی کا مزاج لو اے دوست
کچھ میں کچھ کچھ تری شباہت ہے
کون ہے تجھ سا ہو بہو اے دوست
جل اُٹھا ہے چراغ ِ بوسہ پھر
روشنی سی ہے چار سُو اے دوست
نہیں ملنا تو یاد بھی نہیں آ
تار ِ احساس بھی نہ چھو اے دوست
گھومتا ہوں کسی بگولے سا
جانے کس کی ہے جستجو اے دوست
وہ تعلق بھی دھوپ چھاﺅں سا
کتنا مبہم تھا اے عدو، اے دوست
یوں تو اک بار جو بچھڑ جائے
کب ملا ہے مگر کبھو، اے دوست
اے قرار ِ دل و نگاہ، بیا
زخم داریم بی رفو اے دوست
ق
آج ہے کس کی آبرو اے دوست
شہر کا شہر تند خو اے دوست
کچھ ہیولے ہیں ہر طرف رقصاں
کوئی غوغا ہے کو بہ کو اے دوست
ہر کوئی زیر ِ سایہء شمشیر
ہر کوئی طوق در گلو اے دوست
شہر ِ دامان و دل دریدہ ہے
ہر کوئی ہے لہو لہو اے دوست
پائمالی سی پائمالی ہے
باغ کا باغ بے نمو اے دوست
رنگِ امکاں نظر نہیں آتا
سنگِ زنداں ہے سُرخرو اے دوست
آ، کہ روشن کریں چراغ ِ سبو
شام بھی ہے لہو لہو اے دوست
(اختر عثمان)
