خدا کی راہ پر سب کو زمانہ کھینچ لائے گا

[ارشد چوہدری]

الف عین
عظیم
شکیل احمد خان23
مقبول
محمد عبدالرؤوف
------------
خدا کی راہ پر سب کو زمانہ کھینچ لائے گا
اسی کا نام گونجے گا سمے ایسا بھی آئے گا
-------------
کریں کیوں فکر دنیا کی خدا کا ساتھ حاصل ہے
اسی کو ہم پکاریں گے زمانہ جب ستائے گا
-------------
اگر راہِ خدا چھوٹی مقدّر ہو گی رسوائی
تو ہر ظالم زمانے کا تمہارے منہہ کو آئے گا
--------
تمہاری سوچ کی خامی تمہیں بے چین رکھتی ہے
تمہارا دل خدا کے خر سے ہی چین پائے گا
---------
خدا کی ذات پر تیرا توکّل ہے اگر پختہ
کسی بھی غیر کے در پر ترا سر جھک نہ پائے گا
--------
یہاں پر تم تو کرتے ہو فرشتے سب وہ لکھتے ہیں
یہی اعمال کا کھاتہ تمہارے ساتھ جائے گا
---------
زمانے سے چھپا لو گے گنہ اپنے سبھی ارشد
مگر کوئی عمل تیرا خدا سے چھپ نہ پائے گا
-----------

 

[ارشد چوہدری]

الف عین
عظیم
شکیل احمد خان23
مقبول
محمد عبدالرؤوف
----------

 

[الف نظامی]

خدا کی راہ پر سب کو زمانہ کھینچ لائے گا
اس مصرع میں سب کے بجائے ہم ، اور زمانہ کی جگہ خدا ہی
یعنی:
خدا کی راہ پر ہم کو خدا ہی کھینچ لائے گا
---
چوتھے شعر میں ٹائپو ہے:
تمہارا دل خدا کے ذکر سے ہی چین پائے گا
---
تمہاری سوچ کی خامی تمہیں بے چین رکھتی ہے
اس مصرع کو یوں کہیے:
تمہارا سوچنا منفی، تمہیں بے چین رکھتا ہے
---
خدا کی ذات پر تیرا توکّل ہے اگر پختہ
اس مصرع میں تیرا کی جگہ پختہ اور پختہ کی جگہ تیرا لائیے ، یعنی
خدا کی ذات پر پختہ توکل ہے اگر تیرا
---
یہاں پر تم تو کرتے ہو فرشتے سب وہ لکھتے ہیں
تم تو کی جگہ تم جو، یعنی
یہاں پر تم جو کرتے ہو فرشتے سب وہ لکھتے ہیں

 

[شکیل احمد خان23]

۔۔۔۔

 

[شکیل احمد خان23]

غزل خدا کی راہ پر ہم کو زمانہ کھینچ لائے گا اُسی کی حمد سے عالم یہ سارا گونج جائے گا نہیں اب فکر دنیا کی خدا جو ساتھ ہے اپنے پکاریں گے اُسی کو ہم زمانہ گر ستائے گا اگر چُھوٹا طریقِ حق تو ہوگی بدنصیبی یہ کہ ادنیٰ ،ہیچ ،اوچھا تک تمھارے منہ کو آئے گا اگر فکر و پریشانی سے دل بے چین رہتا ہو تو ایسا دل خدا کی یاد سے ہی چین پائے گا خدا کی ذات پر تیرا بھروسا ہے اگر کامل تو ہرگز سر تِرا غیروں کے آگے جُھک نہ پائے گا یہاں جو کچھ تو کرتا ہے فرشتے سب وہ لکھتے ہیں وہی اُن کا لکھا بس ایک تیرے ساتھ جائے گا وہی اُن کا لکھا دنیا سے تیرے ساتھ جائے گا زمانے سے چھپا لوگے گنہ اپنے مگر ارشؔد تمھارا ایک بھی گُن رب سے اپنے چھپ نہ پائے گا تمھارا پاپ کوئی اپنے رب سے چھپ نہ پائے گا​

 

[ارشد چوہدری]

الف نظامی اور شکیل احمد خان صاحبان دونوں بھائیوں کا بہت بہت شکریہ

 

[الف نظامی]

براہ کرم چوتھے شعر کی تدوین کیجیے۔

 

[ارشد چوہدری]

اب تدوین کا آپشن ختم ہو چکا ہے ،آپ نے نے تصحیح کر دی ہے آپ تدوین کر سکتے ہیں تو برائے مہربانی کر دیں

 

[الف نظامی]

اب تدوین کا آپشن ختم ہو چکا ہے

پوسٹ کو رپورٹ کر کے تدوین کا کہہ دیجیے۔امید ہے کہ ایڈمن صاحبان اس کو درست کر دیں گے۔