غدیر زھرا
لائبریرین
خرقہ رہنِ شراب کرتا ہوں
دلِ زاہد کباب کرتا ہوں
نالۂ آتشیں سے یک دم میں
دلِ فولاد آب کرتا ہوں
آہِ سوزاں و اشکِ گلگوں سے
کارِ برق و سحاب کرتا ہوں
داغِ سوزانِ عشق سے دل کو
چشمۂ آفتاب کرتا ہوں
برق کو بھی سکوں ہوا آخر
میں ہنوز اضطراب کرتا ہوں
تا کہ بیدار اس سے ہو آباد
خانۂ دل خراب کرتا ہوں
(میر محمدی بیدار)
دلِ زاہد کباب کرتا ہوں
نالۂ آتشیں سے یک دم میں
دلِ فولاد آب کرتا ہوں
آہِ سوزاں و اشکِ گلگوں سے
کارِ برق و سحاب کرتا ہوں
داغِ سوزانِ عشق سے دل کو
چشمۂ آفتاب کرتا ہوں
برق کو بھی سکوں ہوا آخر
میں ہنوز اضطراب کرتا ہوں
تا کہ بیدار اس سے ہو آباد
خانۂ دل خراب کرتا ہوں
(میر محمدی بیدار)
آخری تدوین:
