خواب کسے دے ذمے لاواں کجھ تے کہہ

[عبدالقیوم چوہدری]

خواب کسے دے ذمے لاواں کجھ تے کہہ
اکھاں کتھے جا دفناواں کجھ تے کہہ

بول حیاتی چھیتی مگروں لہہ جاواں ؟
دیواں تن طلاقاں جاواں کجھ تے کہہ

میرے لیکھ توں چھاپے چاڑی بیٹھا ایں
رکھی بیٹھاں کی سرناواں کجھ تے کہہ

ہک واری تے لگے اگ شریکاں نوں
شالا ہونی سر تے چھاواں کجھ تے کہہ

ویکھ تے لے آکے لیڑے بنی بیٹھے سکھ
اے ناں ہووے پچھوں تاواں کچھ تے کہہ

تیرا گھلیا سورج قسمے ماٹھا سی
میں دھپاں نوں نی پرچاواں کجھ تے کہہ

جہڑی لکھی بیٹھا مینوں مرضی دس
تلکاں ڈگاں یا کھر چاواں کجھ تے کہہ

ہو نئی سکدا چپ سنیہا گھلی اس
کجھ تے کہندا ہوسی ۔کاواں کجھ تے کہہ​

۔۔۔۔۔۔۔
محمد صابر
​

​

 

[جاسمن]

بول حیاتی چھیتی مگروں لہہ جاواں ؟
دیواں تن طلاقاں جاواں کجھ تے کہہ

بہت سوہنڑی غزل اے۔چنگے خیال نیں۔۔۔