خوامخواہ کا مشیر مر جائے - اسلم کولسری

[چوہدری لیاقت علی]

خوامخواہ کا مشیر مر جائے
کاش میرا ضمیر مر جائے

سازشی ہے، سکون دشمن ہے
آرزو کا سفیر مر جائے

قتل احساس یاد آتا ہے
جب بھی کوئی فقیر مر جائے

رشوت جاں بھی تو غنیمت ہے
چھوڑ دو جو اسیر مر جائے

زندگی بخش ہے یہ حسرت بھی
حسرتوں کی لکیر مر جائے

خواہش ناگزیر ہے اسلم
خواہش ناگزیر مر جائے

اسلم کولسری

 

[نیرنگ خیال]

قتل احساس یاد آتا ہے۔۔۔

واہ صاحب۔۔۔ بہت خوب انتخاب