خوب ابلے گا خون اب دل کا

[ایم اے راجا]

ایک غزل اصلاح کے لیئے عرض۔

خوب ابلے گا خون اب دل کا​

سر چڑھے گا جنون اب دل کا​

​

عشق جاگا ہے آج سینے میں​

ہو گا غارت سکون اب دل کا​

​

​

درد کے زلزلوں کی زد پر ہے​

گر پڑے گا ستون اب دل کا​

​

ہو چکا خشک آنکھ کا چشمہ​

بس یہ اگلے گی خون اب دل کا​

​

جا کے کہہ دے کوئی اسے راجا​

یوں نہ لوٹے سکون اب دل کا​

 

[عین عین]

خوب است

 

[ایم اے راجا]

شکریہ محترم عین عین صاحب آپ کی محبت کا

 

[ایم اے راجا]

ناعمہ عزیز صاحبہ شکریہ پسند کرنے کا

 

[مغزل]

سلامت رہو دوست فی الوقت رسید حاضر ہے۔ بعد میں حاضر ہوتا ہوں۔۔

 

[ایم اے راجا]

بہت شکریہ بہت خوشی ہوئی آپکی رسید دیکھ کر

 

[ایم اے راجا]

سلامت رہو دوست فی الوقت رسید حاضر ہے۔ بعد میں حاضر ہوتا ہوں۔۔

مغل صاحب یہاں بھی آپ کا منتظر ہوں

 

[الف عین]

میرا بھی انتظار کریں

 

[ایم اے راجا]

سر جی آپ ہیں کہاں، آپ کا ہی تو انتظار ہے سب کو

 

[ایم اے راجا]

میرا بھی انتظار کریں

استاد محترم مزید کتنا عذابِ انتظار سہنا ہو گا

 

[الف عین]

چند روز اور مری جان فقط چند ہی روز۔۔۔۔

 

[ایم اے راجا]

چند روز اور مری جان فقط چند ہی روز۔۔۔ ۔

چلیں سر کوئ بات نہیں

 

[الف عین]

لو بھئ، اس کو بھی نمٹا دیا

خوب ابلے گا خون اب دل کا​

سر چڑھے گا جنون اب دل کا​

​

// دل کا جنون؟؟

عشق جاگا ہے آج سینے میں​

ہو گا غارت سکون اب دل کا​

//درست

​

درد کے زلزلوں کی زد پر ہے​

گر پڑے گا ستون اب دل کا​

//دل کا ستون؟؟؟ عجیب ضرور ہے، لیکن پہلا مصرع بہت اچھا ہے، جو دوسرے مصرع کو قابل قبول بنا رہا ہے۔

ہو چکا خشک آنکھ کا چشمہ​

بس یہ اگلے گی خون اب دل کا​

//’بس یہ اگلے گی‘ کچھ کرخت لگ رہا ہے، آنکھ کو دوسرے مصرع میں لاؤ تو بات بہتر اور شعر رواں ہو جاتا ہے۔
ہو چلے آنسوؤں کے سوتے خشک/ چشمے خشک/ ہو چلا آنسوؤں کا چشمہ خشک
اور اگر ’آنسوؤں‘ کی وضاحت نہیں کرنا چاہتے (ابہام میں حسن بھی ہے)، تو یوں کہہ سکتے ہو۔
ہو گیا ایک ایک سوتا/چشمہ خشک
آنکھ اگلے گی خون اب دل کا

جا کے کہہ دے کوئی اسے راجا​

یوں نہ لوٹے سکون اب دل کا​

//درست

 

[ایم اے راجا]

بہت شکریہ سر، میں اسے آپ کی اصلاح کے مطابق کرتا ہوں، مگر جنون دل کا مجھے ٹھیک لگ رہا ہے، دل کا پاگل پن

 

[ابن سعید]

خوب!

 

[مغزل]

بہت شکریہ سر، میں اسے آپ کی اصلاح کے مطابق کرتا ہوں، مگر جنون دل کا مجھے ٹھیک لگ رہا ہے، دل کا پاگل پن

راجا محمد امین بھائی ۔
دوستوں اور بھائیوں کی طرح ایک بات کہوں ؟ یا تو بندہ خود اس قابل ہو کہ اصلاح نہ لے ۔۔جب اصلاح لے تو قبول کرے ، یا اختلاف کرے ،تو اپنے اختلاف کا پورا مقدمہ لڑے ۔۔ یہ انتہائی بدتہذیبی اور بداخلاقی ہے کہ ایک تو اپنی کمزوری پر اصلا ح بھی لی جائے اور یہ بھی کہا جائے کہ ’’ مجھے ٹھیک لگ رہا ہے ‘‘ ۔۔مجھے اس بات کا بخوبی علم ہے کہ آپ کو میری بات تکلیف بھی دے سکتی ہے ۔ مگر معافی چاہتا ہوں کہ یہی اگر میں کرتا تو میرے لیے بھی یہی بات ہوتی جو آپ کو کہی ہے ۔۔۔

 

[ایم اے راجا]

راجا محمد امین بھائی ۔
دوستوں اور بھائیوں کی طرح ایک بات کہوں ؟ یا تو بندہ خود اس قابل ہو کہ اصلاح نہ لے ۔۔جب اصلاح لے تو قبول کرے ، یا اختلاف کرے ،تو اپنے اختلاف کا پورا مقدمہ لڑے ۔۔ یہ انتہائی بدتہذیبی اور بداخلاقی ہے کہ ایک تو اپنی کمزوری پر اصلا ح بھی لی جائے اور یہ بھی کہا جائے کہ ’’ مجھے ٹھیک لگ رہا ہے ‘‘ ۔۔مجھے اس بات کا بخوبی علم ہے کہ آپ کو میری بات تکلیف بھی دے سکتی ہے ۔ مگر معافی چاہتا ہوں کہ یہی اگر میں کرتا تو میرے لیے بھی یہی بات ہوتی جو آپ کو کہی ہے ۔۔۔

اگر سیکھنے کے عمل میں سوال پوچھنا جرم ہے تو میں معذرت خواہ ہوں

 

[مغزل]

اگر سیکھنے کے عمل میں سوال پوچھنا جرم ہے تو میں معذرت خواہ ہوں

راجہ محمد امین بھائی میں دست بستہ معافی چاہتا ہوں۔۔ لیکن پوچھنا اور ”مگر جنون دل کا مجھے ٹھیک لگ رہا ہے ‘‘ کہہ کر ’’ فیصلہ صاد ‘‘ کرنا الگ الگ باتیں ہیں۔۔
آپ کو ٹھیک لگ رہا ہے یعنی باباجانی کا سوال کرنا غلط ہوگیا۔۔ شعر و ادب مصرعے لکھنے کا نہیں تہذیب اور اقدار کے خیال رکھنے کا نام ہے ۔۔ میں ایک بار پھر معافی چاہتا ہوں ۔ آپ اپنی بات جارہی رکھیے ۔۔

 

[ایم اے راجا]

راجہ محمد امین بھائی میں دست بستہ معافی چاہتا ہوں۔۔ لیکن پوچھنا اور ”مگر جنون دل کا مجھے ٹھیک لگ رہا ہے ‘‘ کہہ کر ’’ فیصلہ صاد ‘‘ کرنا الگ الگ باتیں ہیں۔۔
آپ کو ٹھیک لگ رہا ہے یعنی باباجانی کا سوال کرنا غلط ہوگیا۔۔ شعر و ادب مصرعے لکھنے کا نہیں تہذیب اور اقدار کے خیال رکھنے کا نام ہے ۔۔ میں ایک بار پھر معافی چاہتا ہوں ۔ آپ اپنی بات جارہی رکھیے ۔۔

میں نہیں سمجھتا کہ میں نے استاد محترم کی شان میں کوئی گستاخی کی ہے اور میں سوچ بھی نہیں سکتا، میرے بھائی میرے اخلاق کا اندازہ آپ اس بات سے لگا سکتے ہیں کہ میں تو اس شخص سے بھی کبھی بدتمیزی نہیں کی جس نے مجھے تباہی و بربادی کے دہانے پر پہنچا دیا، میرے قلیق مجھے اکثر کہتے ہیں کہ ، سر آپ کو تو ٹیچر ہونے چاہیئے تھا، استاد محترم میرے بڑے اور میرے باپ جیسے ہیں میں بھلا بدتمیزی کیسے کر سکتا ہوں، محفل پر مجھے کافی سال ہوگئے میرے پیغامات بھی اس بات کا ثبوت ہیں اور جو بات میری سمجھ میں نہ آئے میں کبھی اس میں بولا نہیں۔
شاید آپکو ایسا اس لیے لگا کہ میرے سوال پوچھنے کا انداز شاید درست نہیں تھا۔
میں جانتا ہوں ادب آداب و اخلاق کا دوسرا نام ہے اور میرے ساتھ ساتھ آپ اور ہم سب بھی اس کے پابند ہیں۔
پھر بھی اگر آپ کو یہ لگتا ہے کہ میں نے بد اخلاقی کی ہے تو میں معذرت چاہتا ہوں۔
یقینن آپ کا مطالعہ اور علم مجھ سے زیادہ ہے، سو آپ عالم اور میں جاہل، مگر بھائی اپنی زندگی میں دھکے یقینن میں نے آپ سے بہت زیدہ کھائے ہیں۔
آپ کو مجھ سے معذرت کرنے کی کوئی ضرورت نہیں آپ نے جیسا سمجھا مجھے کہہ دیا اور میں نے جیسا سمجھا آپ کو سمجھا دیا۔
آپ میرے بھائی ہیں مجھے خوشی ہوتی ہے خود پر تنقید سن اور پڑھ کر، نقید سے بندہ مشہور بھی تو ہوتا ہے نا، اب وینا ملک کو ہی دیکھ لیں، ہاہا ہا ہا ہا ہا ہا۔
چلیں اب غصہ تھوک دیں، آپ کہیں اسلیئے تو غصہ نہیں ہو رہے تا کہ ہم آپ کے پاس کبھی چائے پینے کے لیئے نہ آئیں، سچ سچ بتائیے گا، ہا اہا ہا ہا ، مگر اگر آپ غصہ ہو بھی گئے تو بھی ہم بے شرموں کی طرح کسی دن چلے آئیں گے، اور پھر۔۔۔۔۔۔۔۔۔۔۔۔۔ آپ مجبور ہو جائیں گے ہماری بے شرمی پر مسکرانے کے لیئے۔ ہا ہا ہا ہا ہا،

 

[مغزل]

ٹھیک ہے میرے بھائی ۔ آپ نے خود ہی مان لیا کہ انداز درست نہیں تھا سو میرا بھی یہی کہنا ہے ۔
باقی میری طرف سے کوئی بات دل میں نہ لیجے گا۔ میں یوں ہی جہل مرتب آدمی ہوں۔
اکثر منھ کے بل گرتا ہوں اپنی زبان کی وجہ سے ۔۔ اللہ آپ کو جزا دے چائے پر ضرور تشریف لائیے گا۔
مجھے خدمت کا موقع ملے یہ میری خوش بختی ہے۔
بہت سلامت شاد باد آباد