خود سے باتیں کرتے رہنا - برائے اصلاح'

[سارہ بشارت گیلانی]

خود سے باتیں کرتے رہنا
خاموشی سے لڑتے رہنا

کون اب غم سے جیتے گا کہ
اس کا گن ہے بڑهتے رہنا

سچ پوچھو تو تم چپ رہ کر
بس چہروں کو پڑهتے رہنا

مٹی کا تن کیا دکه اسکا
یوں مٹی میں ملتے رہنا

جیسا بهی ہو گهٹ جائے گا
دوری کا غم سہتے رہنا

گونگوں بہروں کے بستی میں
سچ کی باتیں کہتے رہنا

 

[پپو]

مٹی کا تن کیا دکه اسکا​

یوں مٹی میں ملتے رہنا​

 

[مزمل حسین]

قوافی قوافی نہیں

 

[سارہ بشارت گیلانی]

قوافی قوافی نہیں

جی کیسے؟

 

[الف عین]

قوافی واقعی درست نہیں ہیں ثقہ عروض دانیوں کے نزدیک۔ ان میں سے ’تے‘ نکال دیا تو بڑھ، کہہ، مل وغیرہ قوافی نہیں۔ لیکن بہت سے جدید لوگ ایسے مجرد قافیوں کو جائز سمجھتے ہیں۔

 

[مزمل شیخ بسمل]

یہ ایطا ہے۔ ایطائے جلی۔ ایسا قافیہ کرنا قطعاً درست نہیں۔ چاہے جدید لوگ کریں یا قدیم۔ غلط تو غلط ہی ہے۔

صرف ”تے“ کو ہٹا کر دیکھیں تو سب گڑ بڑ ہوجائے گا۔
اسکے برعکس اگر تے کو ہٹا کر بھی کوئی فرق نہ آئے تو درست ہوگا مثال:

کرتے، بھرتے، ڈرتے، چرتے، دھرتے۔
”تے“ کو نکال دیں تو بھی قافیہ درست رہے گا۔

یا پھر:
ملَتے، دلتے، جلتے، پگھلتے، پھسلتے، سنبھلتے، نکلتے۔
ان میں بھی ”تے“ کو ہٹا دیں تو فرق نہیں آتا۔

یا اس طرح:
کہتے، بہتے، سہتے، رہتے وغیرہ۔

 

[سارہ بشارت گیلانی]

یہ ایطا ہے۔ ایطائے جلی۔ ایسا قافیہ کرنا قطعاً درست نہیں۔ چاہے جدید لوگ کریں یا قدیم۔ غلط تو غلط ہی ہے۔

صرف ”تے“ کو ہٹا کر دیکھیں تو سب گڑ بڑ ہوجائے گا۔
اسکے برعکس اگر تے کو ہٹا کر بھی کوئی فرق نہ آئے تو درست ہوگا مثال:

کرتے، بھرتے، ڈرتے، چرتے، دھرتے۔
”تے“ کو نکال دیں تو بھی قافیہ درست رہے گا۔

یا پھر:
ملَتے، دلتے، جلتے، پگھلتے، پھسلتے، سنبھلتے، نکلتے۔
ان میں بھی ”تے“ کو ہٹا دیں تو فرق نہیں آتا۔

یا اس طرح:
کہتے، بہتے، سہتے، رہتے وغیرہ۔

شکریہ!

 

[شاہد شاہنواز]

قافیوں کی ایک قسم اور ہے ۔۔۔ صوتی قافیہ ۔۔۔ کیا اس میں بھی اس کا استعمال درست نہیں؟ میرا ذاتی خیال اس میں یہ ہے کہ کچھ قوافی بدل کر شاید جائز ہوسکتا ہے۔۔۔

 

[مزمل شیخ بسمل]

قافیوں کی ایک قسم اور ہے ۔۔۔ صوتی قافیہ ۔۔۔ کیا اس میں بھی اس کا استعمال درست نہیں؟ میرا ذاتی خیال اس میں یہ ہے کہ کچھ قوافی بدل کر شاید جائز ہوسکتا ہے۔۔۔

صوتی قافیہ قسم نہیں عیب ہے جناب۔ صوتی قافیہ بالکل جائز نہیں ہے اردو شاعری میں۔

 

[شاہد شاہنواز]

شکر ہے میں نے استعمال نہیں کیا ابھی تک۔۔۔ مجھے ویسے ہی پسند نہیں۔۔۔