جون ایلیا خوش گُزَرانِ شہرِ غم، خوش گُزَراں گزر گئے ۔ جون ایلیا

[فاتح]

خوش گُزَرانِ شہرِ غم، خوش گُزَراں گزر گئے
زمزمہ خواں گزر گئے، رقص کُناں گزر گئے

وادیِ غم کے خوش خِرام، خوش نفَسانِ تلخ جام
نغمہ زناں، نوا زناں، نعرہ زناں گزر گئے

سوختگاں کا ذکر کیا، بس یہ سمجھ کہ وہ گروہ
صرصرِ بے اماں کے ساتھ دست فِشاں گزر گئے

زہر بہ جام ریختہ، زخم بہ کام بیختہ
عشرتیانِ رزقِ غم نوش چکاں گزر گئے

تیری وفا کے باوجود، تجھ کو نہ پا کے بدگماں
کتنے یقیں بچھڑ گئے، کتنے گماں گزر گئے

مجمعِ مَہ وَشاں سے ہم زخمِ طَلَب کے باوجود
اپنی کُلہ کَج کیے عِشوہ کُناں گزر گئے

ہم نے خدا کا رد لکھا، نفی بہ نفی لا بہ لا
ہم ہی خدا گزیدگاں تم پہ گَراں گزر گئے

رات تھی میرے سامنے فردِ حساب ِ ماہ و سال
دن مری سرخوشی کے دن، جانے کہاں گزر گئے

خود نگَرانِ دل زدہ، دل زدَگانِ خود نِگَر
کوچۂ اِلتفات سے خود نِگَراں گزر گئے

اب یہی طے ہُوا کہ ہم تجھ سے قریب تر نہیں
آج ترے تکلّفات دل پہ گَراں گزر گئے

کیا وہ بِساط اُلَٹ گئی؟ ہاں وہ بِساط اُلَٹ گئی
کیا وہ جواں گزر گئے؟ ہاں وہ جواں گزر گئے

(جون ایلیا)
​

 

[امیداورمحبت]

تیری وفا کے باوجود، تجھ کو نہ پا کے بدگماں
کتنے یقیں بچھڑ گئے، کتنے گماں گزر گئے

بہت خوب ۔۔۔۔۔۔۔۔۔۔

 

[فاتح]

شکریہ امید اور محبت صاحبہ۔
اعجاز صاحب اور فرخ صاحب کا بھی شکریہ۔

 

[کاشفی]

عمدہ انتخاب ۔ بہت شکریہ شریکِ محفل کرنے کےلیئے۔

 

[فاتح]

شکریہ کاشفی صاحب اور وارث صاحب آپ کا بھی شکریہ۔
آپ ایسے قارئین کے ہی ذوق کی نذر ہے۔

 

[محمداحمد]

بہت خوب۔۔۔۔۔!

 

[فاتح]

شکریہ محمد احمد صاحب۔

 

[زونی]

اب یہی طے ہُوا کہ ہم تجھ سے قریب تر نہیں
آج ترے تکلّفات دل پہ گَراں گزر گئے



بہت خوب انتخاب ھے ،،،،شکریہ شئیرنگ کیلئے ۔۔۔

 

[فاتح]

پسند کرنے پر آپ کا بھی شکریہ زونی صاحبہ!

 

[نیرنگ خیال]

فاتح بھائی بہت خوبصورت انتخاب ہے۔ جوں کا توں یہاں سے چرا لے جا رہا ہوں۔ امید ہے گراں نہ گزرے گا۔

چرا کر لے جارہا ہوں میں، یہ غزل یہاں سے اب​

ہم جیسے لکھ چور ہی، تم پر گراں گزر گئے​

 

[سید شہزاد ناصر]

کیا خوب انتخاب ہے
واہ واہ لطف آ گیا پڑھ کر
شاد و آباد رہیں

 

[منیب احمد فاتح]

واہ فاتح 'اول' صاحب۔۔۔
میں نے جون ایلیا کو اتنا پڑھا نہیں؛ غزل کا مقطع کیا دل کش ہے جیسے کوئی مے خوار سر جھکائے بیٹھا ہے۔ سوال کرتا ہے، "کیا وہ بساط الٹ گئی؟" جواب ملتا ہے کہ ہاں الٹ گئی۔ سر جھکا لیتا ہے۔ پھر اٹھا کر کہتا ہے، "کیا وہ جواں گزر گئے؟" جواب ملتا ہے کہ ہاں گزر گئے۔ پھر سر کو جھکا لیتا ہے گویا خود بھی ان جوانوں کے ساتھ ہی گزر گیا ہو۔

 

[مدیحہ گیلانی]

اب یہی طے ہُوا کہ ہم تجھ سے قریب تر نہیں
آج ترے تکلّفات دل پہ گَراں گزر گئے۔
واہ واہ عمدہ ۔۔!

 

[مدیحہ گیلانی]

فاتح بھائی بہت خوبصورت انتخاب ہے۔ جوں کا توں یہاں سے چرا لے جا رہا ہوں۔ امید ہے گراں نہ گزرے گا۔

چرا کر لے جارہا ہوں میں، یہ غزل یہاں سے اب​

ہم جیسے لکھ چور ہی، تم پر گراں گزر گئے​

یہ آپ ہر وقت ہی چرانے کا کام کرتے رہتے ہیں۔۔چرانا وہ بھی غزلیں ۔۔۔بندہ کوئی ڈھنگ کی چیز ہی چرالے جائے نا

 

[محمداحمد]

واہ۔۔۔! کیا خوب غزل ہے۔

آج پھر پڑھ کر لطف آیا۔

 

[نیرنگ خیال]

یہ آپ ہر وقت ہی چرانے کا کام کرتے رہتے ہیں۔۔چرانا وہ بھی غزلیں ۔۔۔ بندہ کوئی ڈھنگ کی چیز ہی چرالے جائے نا

کام کی چیز میں نے چرائی ہی نہیں
یہ میرا اصول چوری ہی نہیں

ڈھنگ کی چیز کہاں سے چرائیں اپیا۔۔۔ یعنی کچھ نہ چرائیں۔۔

 

[فاتح]

فاتح بھائی بہت خوبصورت انتخاب ہے۔ جوں کا توں یہاں سے چرا لے جا رہا ہوں۔ امید ہے گراں نہ گزرے گا۔

چرا کر لے جارہا ہوں میں، یہ غزل یہاں سے اب​

ہم جیسے لکھ چور ہی، تم پر گراں گزر گئے​

ہم پر کیوں گراں گزرے گا بھائی؟ اعزاز ہے ہمارے لیے

 

[فاتح]

کیا خوب انتخاب ہے
واہ واہ لطف آ گیا پڑھ کر
شاد و آباد رہیں

شکریہ سید شہزاد ناصر صاحب

 

[فاتح]

واہ فاتح 'اول' صاحب۔۔۔
میں نے جون ایلیا کو اتنا پڑھا نہیں؛ غزل کا مقطع کیا دل کش ہے جیسے کوئی مے خوار سر جھکائے بیٹھا ہے۔ سوال کرتا ہے، "کیا وہ بساط الٹ گئی؟" جواب ملتا ہے کہ ہاں الٹ گئی۔ سر جھکا لیتا ہے۔ پھر اٹھا کر کہتا ہے، "کیا وہ جواں گزر گئے؟" جواب ملتا ہے کہ ہاں گزر گئے۔ پھر سر کو جھکا لیتا ہے گویا خود بھی ان جوانوں کے ساتھ ہی گزر گیا ہو۔

شکریہ منیب صاحب۔
مقطع کی وژوالائزیشن کیا خوب کی ہے آپ نے

 

[فاتح]

اب یہی طے ہُوا کہ ہم تجھ سے قریب تر نہیں
آج ترے تکلّفات دل پہ گَراں گزر گئے۔
واہ واہ عمدہ ۔۔!

شکریہ مدیحہ صاحبہ