خُدا خیر کرے جی ۔۔۔عابی مکھنوی

[عابی مکھنوی]

نشتر کی جگہ ہاتھ میں مرہم وہ لیے ہیں
اِس درجہ عِنایات خُدا خیر کرے جی

اِک بار ِ گراں ٹھہرا ہمیں اپنا تنفس
پھر اُن کے مفادات خُدا خیر کرے جی

کہتے ہیں کہ مر جاؤ تو پھر زندہ کریں گے
اُف اُن کی کرامات خُدا خیر کرے جی

عابی مکھنوی

 

[ساقی۔]

واہ! بہت اعلیٰ جناب ۔کیا خوب طرز بیاں ہے۔

 

[الف عین]

بہت خوب، اگر اصلاح کی غرض سے ہے تو ’جی‘ کا استعمال پسند نہیں آیا، محاورے کے خلاف ہے، محاورہ صرف خدا خیر کرے ہوتا ہے، ’جی‘ کا اضافہ غزل کی لفظیات سے میل نہیں کھاتا۔

 

[عابی مکھنوی]

شکریہ جناب الف عین صاحب ۔۔۔کوشش کرتا ہوں کوئی مناسب ترمیم ہو جائے