خیبر پختون خوا میں پولیو مہم کے دوران 1 لاکھ بچے ویکسین سے محروم رہے

[کاشفی]

خیبر پختون خوا میں پولیو مہم کے دوران 1 لاکھ بچے ویکسین سے محروم رہے

پشاور…خیبرپختونخوا میں رواں ماہ ختم ہونے والی پولیو مہم کے دوران 1 لاکھ 2ہزار 599 بچے پولیو ویکسین سے محروم رہ گئے۔پولیو مانیٹرنگ سیل کے ذرائع نے جیو نیوز کو بتایا ہے کہ خیبر پختونخوا میں پولیو مہم کے دوران 31 ہزار572 والدین نے اپنے بچوں کو پولیو ویکسین کے قطرے پلانے سے انکار کیا جب کہ 71 ہزار 27 بچے دیگر وجوہات کی بناء پر محروم رہ گئے۔ضلع مردان میں 7 ہزار 418 والدین جب کہ صوابی اور بنوں میں 4 ہزار سے زائد والدین نے بچوں کو پولیو ڈراپس نہیں پلانے دیئے۔ ذرائع کے مطابق مانسہر ہ میں 6 ہزار 982 بچے جب کہ مردان اور پشاور میں 6 ہزارسے زائد بچے پولیو ڈراپس پینے سے محروم رہ گئے۔​

 

[عثمان]

کیسا ظلم اور جہالت ہے۔

 

[کاشفی]

پولیو سے متعلق ایک خبر۔۔بچوں کو معذور ہونے سے بچانا چاہیئے۔
امریکا:61سال سے لو ہے کی ٹیو ب میں زندگی گزارنے والی خا تو ن

نیویارک …این جی ٹی …امر یکا میں پو لیو سے معذوری کا شکا ر ہو جانے والی خا تو ن 61 سال سے لو ہے کی ٹیو ب میں زندگی گزارنے پر مجبو ر ہے۔ مارتھا میسن(Martha Mason) نامی یہ خاتون سات فٹ لمبی اور آ ٹھ سو پا ؤنڈ وزنی لو ہے کی ٹیو ب میں زندگی گزاررہی ہے جسے Iron Lung کہا جا تا ہے۔ پو لیو کے باعث اس کے عضلات اتنے کمزور ہو گئے ہیں کہ یہ خو د سانس بھی نہیں لے پا تی لہٰذا یہ ٹیو ب ان کے لیے مصنوعی پھیپھڑ وں کا کا م کرتی ہے اور ہو ا کا دبا ؤ کم زیا دہ کر تے ہو ئے ان کا تنّفس بحال رکھتی ہے۔​

 

[منصور مکرم]

مجھے یہ بات سمجھ نہیں آرہی کہ معمولی سے بخار کیلئے بھی لوگ ڈاکٹر یا ہسپتال خود جاتے ہیں۔
لیکن یہ پولیو کا سسٹم اسکے برعکس لوگوں کی دہلیز پر کیوں جاتا ہے۔

اگر انکو صرف ہسپتالوں میں یا ویکسین سنٹرز میں رکھا جائے اور دیگر ویکسینز کی طرح عوام کو اس بارے بتایا جائے تو لوگ خود ہی آئیں گے۔
یہ گھر گھر پولیو قطرے پھرانا مجھے مخمصے میں ڈالتا ہے۔کیونکہ میں نے ڈاکٹر شکیل کا واقعہ پڑھ رکھا ہے۔