دریا کو ہم نے خستہ مکانی کی بھیک دی.......غزل

[abdullah adam]

دریا کو ہم نے خستہ مکانی کی بھیک دی
پھراس کے بعد آنکھ کو پانی کی بھیک دی

ایسے نہیں یہ سینہ کشادہ کیے ہوئے
صحرا کو آہؤوں نے جوانی کی بھیک دی

اے عشق تیری خیر کہ تیرے ثبات نے
دنیا کو روز تازہ کہانی کی بھیک دی

اس کے لبوں پہ شعر مکمل نہ ہو سکا
پھولوں کو لاکھ مصرعہ ثانی کی بھیک دی

جیسے کوئی نگینہ عطا ہو زکوٰۃ میں
جیسے کسی نے اپنی نشانی کی بھیک دی

توقیر ایسا قحط صدا تھا کہ الاماں
ایسے میں کس نے مرثیہ خوانی کی بھیک دی

 

[ط طالب]

دریا کو ہم نے خستہ مکانی کی بھیک دی
پھراس کے بعد آنکھ کو پانی کی بھیک دی
حسب حال


اے عشق تیری خیر کہ تیرے ثبات نے
دنیا کو روز تازہ کہانی کی بھیک دی

جیسے کوئی نگینہ عطا ہو زکوٰۃ میں
جیسے کسی نے اپنی نشانی کی بھیک دی
بہت اچھے

 

[abdullah adam]

اوہو................یہ میں نے اپنی طرف پسندیدہ کلام میں پوسٹ کیا تھا ادھر آگیا ہے................

طالب صاحب یہ میری شاعری نہیں ہے ...............انتظامیہ سے منتقل کرنے کی درخواست ہے!!!

 

[الف عین]

اچھی غزل ہے، لیکن یہ کون توقیر ہیں، شاعر کے نام کے ساتھ پوسٹ کیا کریں، اور یہ بھی درخواست ہے کہ یہاں کاپی پیسٹ کر رہے ہیں تو ماخذ، اور اگر تائپ کر رہے ہیں تب بھی اس کا ماخذ ضرور بتائیں۔

 

[فاتح]

واقعی خوبصورت غزل ہے۔ شاعر کا نام بھی بتا دیجیے۔

 

[کاشفی]

عمدہ انتخاب ہے جناب۔۔شکریہ شریکِ مٍحفل کرنے کے لیئے۔۔شاعر کا نام بتا دیں۔۔نوازش ہوگی۔ اور مزید بھی کچھ شریکِ محفل کریں۔۔