دریچہ بے صدا کوئی نہیں ہے - صابرظفر

[زبیر مرزا]

دریچہ بے صدا کوئی نہیں ہے
اگرچہ بولتا کوئی نہیں ہے

میں ایسے جمگھٹے میں کھو گیا ہوں
جہاں میرے سوا کوئی نہیں ہے

رُکوں تو منزلیں ہی منزلیں ہیں
چلوں تو راستہ کوئی نہیں ہے

کھُلی ہیں کھڑکیاں ہر گھر کی لیکن
گلی میں جھانکتا کوئی نہیں ہے

کسی سے آشنا ایسا ہوا ہوں
مجھے پہچانتا کوئی نہیں ہے

(صابرظفر)

 

[عمر سیف]

کسی سے آشنا ایسا ہوا ہوں
مجھے پہچانتا کوئی نہیں ہے

واہ ۔۔

 

[عباد اللہ]

واہ واہ