ام نور العين
معطل
خالقِ مہر وماہ و نجوم و سما
صاحبِ فضل و اِکرام و جُود وعطا
ہے تری ذات ہی مبتدا منتہٰی
ہے تجھی سے سزاوار ہر التجا
لیکن اے بادشاہِ زمین و زماں
التجا کرتے بھی کانپتی ہے زباں
اے مسلسل کرم اے مسلسل عطا
تیرے لطف و کرم کی نہیں اِنتہا
بے کراں ہے ترا بحرِجود و سخا
ہاتھ پھیلائے ہیں تیرے آگے گدا
ہم گنہ گار ہیں ہم خطا کار ہیں
تیری رحمت کے لیکن طلب گار ہیں
دِیپ یادوں کے ایسے دِلوں میں جلا
بھول جائیں نہ پھر ہم تجھے اے خدا
مال وزر کا پجاری ہمیں مت بنا
با عمل کر ہر اک بے عمل سے بچا
ہوں سدا تجھ پہ تیرے نبی ﷺ پر نثار
ہم اٹھیں گلشنِ حق کی بن کر بہار
تیرے دینِ مُبیں کے فِدا کار ہوں
تیرے رستے میں مرنے کو تیار ہوں
ظالموں کے لیے تیری تلوار ہوں
غم کے ماروں کے ہم درد و غم خوار ہوں
دِل میں شَوقِ شہادت رہے موج زن
تیری خاطر ہوں محبوب دار و رسن
ایک تیرے سوا کوئی اپنا نہیں
کوئی مالک نہیں کوئی آقا نہیں
کوئی ملجا نہیں کوئی ماوی نہیں
کوئی فریاد رس کوئی داتا نہیں
بس ترے سامنے ہاتھ پھیلائے ہیں
ہر تمنّا ہر اِک آرزو لائے ہیں
خالقِ مہر وماہ و نجوم و سما
صاحبِ فضل و اِکرام و جُود وعطا
صاحبِ فضل و اِکرام و جُود وعطا
ہے تری ذات ہی مبتدا منتہٰی
ہے تجھی سے سزاوار ہر التجا
لیکن اے بادشاہِ زمین و زماں
التجا کرتے بھی کانپتی ہے زباں
اے مسلسل کرم اے مسلسل عطا
تیرے لطف و کرم کی نہیں اِنتہا
بے کراں ہے ترا بحرِجود و سخا
ہاتھ پھیلائے ہیں تیرے آگے گدا
ہم گنہ گار ہیں ہم خطا کار ہیں
تیری رحمت کے لیکن طلب گار ہیں
دِیپ یادوں کے ایسے دِلوں میں جلا
بھول جائیں نہ پھر ہم تجھے اے خدا
مال وزر کا پجاری ہمیں مت بنا
با عمل کر ہر اک بے عمل سے بچا
ہوں سدا تجھ پہ تیرے نبی ﷺ پر نثار
ہم اٹھیں گلشنِ حق کی بن کر بہار
تیرے دینِ مُبیں کے فِدا کار ہوں
تیرے رستے میں مرنے کو تیار ہوں
ظالموں کے لیے تیری تلوار ہوں
غم کے ماروں کے ہم درد و غم خوار ہوں
دِل میں شَوقِ شہادت رہے موج زن
تیری خاطر ہوں محبوب دار و رسن
ایک تیرے سوا کوئی اپنا نہیں
کوئی مالک نہیں کوئی آقا نہیں
کوئی ملجا نہیں کوئی ماوی نہیں
کوئی فریاد رس کوئی داتا نہیں
بس ترے سامنے ہاتھ پھیلائے ہیں
ہر تمنّا ہر اِک آرزو لائے ہیں
خالقِ مہر وماہ و نجوم و سما
صاحبِ فضل و اِکرام و جُود وعطا
شاعر : نامعلوم
سنیے