حفیظ جالندھری دل ابھی تک جوان ہے پیارے - حفیظ جالندھری

[کاشفی]

غزل
(حفیظ جالندھری)
دل ابھی تک جوان ہے پیارے
کس مصیبت میں جان ہے پیارے

رات کم ہے نہ چھیڑ ہجر کی بات
یہ بڑی داستان ہے پیارے

تلخ کردی ہے زندگی جس نے
کتنی میٹھی زبان ہے پیارے

جانے کیا کہہ دیا تھا روزِ ازل
آج تک امتحان ہے پیارے

کب کیا میں نے عشق کا دعویٰ
تیرا اپنا گمان ہے پیارے

میں تجھے بے وفا نہیں‌ کہتا
دشمنوں کا بیان ہے پیارے

تیرے کوچے میں‌ہے سکوں ورنہ
ہر زمین آسمان ہے پیارے​

 

[محمداحمد]

جانے کیا کہہ دیا تھا روزِ ازل
آج تک امتحان ہے پیارے

بہت اعلیٰ