دل بھی تیرا دھڑکن بھی - عذرا ناز

[بھلکڑ]

​

دل بھی تیرا دھڑ کن بھی​

ہم بھی تیرے تن من بھی​

​

دل بھی ہے ویران میرا​

سُونا سُونا ہے آنگن بھی​

​

وصل کی چھوٹی گھڑیوں میں​

میں بھی چپ تھی ساجن بھی​

​

رشتے چاہے گہرے ہوں​

ہو جاتی ہے ان بن بھی​

​

ہجر کی شب میں روتا ہے​

ساتھ ہمارے ساون بھی​

​

میرے فن کو مانیں گے​

آخر اک دن دشمن بھی​

​

سچائی کیسے دیکھیں ؟​

من بھی میلا درپن بھی​

​

تیرے بن خاموش فضا​

چپ ہیں میرے کنگن بھی​

​

کیا بن بیٹھے وہ عذرا​

نام بھی چھوٹا درشن بھی​

​

​

​

عذرا ناز

​

​