دل تو كل بھي رويا تھا

[اسامہ جمشید]

شاكر الله قاسمي كے نام


دل تو كل بھي رويا تھا
دل تو پھر بھي تڑپے گا
جب بھي تجھ كو ديكھوں گا
مسكرا كے ديكھوں گا


آگ لگ رهي هے جو
درد جل گيا هوگا
ميں يقين كيوں كر لوں
پاس جا كے ديكھوں گا


اس طرف سويرا هے
اور هجوم لوگوں كا
روشني سے ڈرتا هوں
پر ميں جا كے ديكھوں گا


مر گئے فلسطيني
رو رهي هيں مائيں كچھ
ميں مگر سلامت هوں
رخ هوا كے ديكھوں گا


شاد باد پاكستان
شاد باد مرتے لوگ
خونخوار رشته هے
ميں نبها كے ديكھوں گا


ايك بات روشن هو
ميں جهاں كا باغي هوں
جو بھي ماجرا هوگا
سر اٹھا كے ديكھوں گا


بے حسي كے عالم ميں
بھيڑيوں كي وادي ميں
اك شجر محبت كا
پھر لگا كے ديكھوں گا


(اسامه جمشيد)

 

[سید زبیر]

بے حسي كے عالم ميں
بھيڑيوں كي وادي ميں
اك شجر محبت كا
پھر لگا كے ديكھوں گا
بہت خوب

 

[الف عین]

خونخوار کا تلفظ قابل توجہ ہے۔ خوار کا واؤ تقطیع میں نہیں آنا چاہئے، یہ نہیں گنا جاتا۔

 

[اسامہ جمشید]

سيد زبير صاحب شكريه

 

[اسامہ جمشید]

محترم استاد گرامي آپكا اس باريكي سے پڑھنے كا بهت شكريه ، يه نظم ميں نے اس بحر ميں لكھي هے فاعلن مفاعيلن تو كيا اس اعتبار سے( خونخا = فاعلن) نهيں بنتا ، جسكے بعد كا (ر رشته هے = مفاعيلن) بنتا هے، ميرا مقصد يه هے كه كيا خونخوار، صوتي اعتبار سے خونخار، ميں لفظ ن كي كيا حيثيت هے ؟ آپ كي رهنماءي كي ضرورت هے؟

 

[الف عین]

خونخوار کو محض خو۔خا تقطیع کیا جانا چاہئے۔ اس کا نون بھی معلنہ نہیں۔

 

[اسامہ جمشید]

جزاك الله استاد محترم

 

[اسامہ جمشید]

مكرمي سيد زبير صاحب بهت مهرباني