دل قلندر ہے جگر عشق میں تندور میاں

[فاروق درویش]

دل قلندر ہے جگر عشق میں تندور میاں
شوق ِ دیدار روانہ ھے سوئے طور میاں

گل بدن شعلہ ء افلاس میں جل جاتے ہیں
جسم بازار میں بک جاتے ہیں مجبور میاں

دل کے زندانوں سے آئے گی انالحق کی صدا
شہر ِ آشوب سے اٹھے کوئی منصور میاں

شب کی زنجیر ھے آزادی ء گل رنگ مری
صبح ِ خوں رنگ لکھے شام کے دستور میاں

مر گیے شاہ سدا جینے کی حسرت لے کر
ھم فقیروں نے لکھا مرنے کا منشور میاں

چاند اترا جو مرے شہر مسافر بن کر
کوفہ ء دہر میں مر جایے گا بے نور میاں

رات درویش کی تربت پہ تھے گریاں تارے
صبح چھیڑے گی صبا نغمہ ء عاشور میاں

 

[محمد وارث]

واہ واہ واہ، کیا خوبصورت غزل کہی آپ نے فاروق صاحب۔ لاجواب

گل بدن شعلہٴ افلاس میں جل جاتے ہیں
جسم بازار میں بک جاتے ہیں مجبور میاں

مر گئے شاہ سدا جینے کی حسرت لے کر
ھم فقیروں نے لکھا مرنے کا منشور میاں

کیا کہنے جناب۔ بہت داد قبول کیجیے قبلہ۔

 

[فاروق درویش]

سلام و آداب برادر محترم محمد وارث صاحب ۔۔۔۔۔۔۔۔۔۔۔۔۔۔۔۔۔۔۔۔ ممنون ھوں محبتوں کا ۔۔۔۔۔۔ آپ جیسے استاد ِ سخن کی پزیرائی میرے لئے بہت بڑا انعام ھے ۔۔۔۔۔۔۔۔سدا خوش آباد و خوش مراد

 

[محمداحمد]

گل بدن شعلہٴ افلاس میں جل جاتے ہیں
جسم بازار میں بک جاتے ہیں مجبور میاں

بہت خوب فاروق صاحب،

بہت اچھی غزل ہے۔ بہت سی داد حاضر ہے۔

خوش رہیے۔

 

[فاروق درویش]

جزاک اللہ برادر محمد احمد صاحب ۔۔۔۔۔۔۔۔۔۔۔۔۔۔۔۔۔۔۔ ممنون ھوں محبتوں کیلئے ۔۔۔۔۔۔۔۔۔۔۔۔۔۔۔ اللہ سبحان تعالی دین و دنیا میں سرفرازیاں عطا فرمائے ۔۔۔۔۔۔۔۔۔۔۔۔۔۔۔۔۔ خوش آباد

 

[ابن سعید]

کمال کا لکھتے ہیں قبلہ۔ بڑی روانی ہے آپ کے کلام میں۔ گل بدن اور فقیروں والے اشعار تو بہت ہی خوب ہیں۔ لطف آ گیا۔

 

[فاروق درویش]

ممنون ھوں برادر محترم ابن سعید صاحب ۔۔۔۔۔۔۔۔۔۔۔۔۔۔۔۔۔۔ اللہ دیار ِ غیر میں آپ کو اپنی حفظ و امان میں رکھے ۔۔۔۔۔۔۔۔۔۔۔۔۔۔ سدا خوش آباد و خوش مراد ۔۔۔۔۔۔۔۔۔۔۔۔۔

 

[سیدہ سارا غزل]

وں تو ساری غزل خوب ہے لیکن مجھے ذاتی طور پر آپ کی غزل کا یہ حسب ِ حال شعر بہت پسند ھے

دل کے زندانوں سے آئے گی انالحق کی صدا
شہر ِ آشوب سے اٹھے کوئی منصور میاں

سدا سلامت رہیں

 

[الف عین]

اچھی غزل ہے، مبارک ہو۔ بڑی بات یہ ہے کہ آپ کا لہجہ پہچانا جا سکتا ہے۔

 

[محمد امین]

واہ جناب۔۔۔ کیا کہنے۔۔ اتنی مشکل غزل۔۔ اور اتنے اچھے طریقے سے لکھی گئی، بہت انوکھا اور بہت خوب انداز ہے۔۔

 

[فاروق درویش]

جزاک اللہ استاد محترم الف عین صاحب ۔۔۔۔۔۔۔۔۔۔۔۔ ممنون ھوں محبتوں کا ۔۔۔۔۔۔۔۔۔۔۔۔۔۔۔۔۔ مولائے کائنات آپ کو سدا ہمارے سر پر سلامت رکھے۔۔۔۔۔۔۔۔۔۔۔۔۔۔خوش آباد و خوش مراد ۔۔۔۔۔۔۔۔۔۔۔۔۔۔

 

[فاروق درویش]

جزاک اللہ برادر محمد امین صاحب ۔۔۔۔۔۔۔۔۔۔۔۔۔۔۔۔۔۔۔۔۔۔ محبتوں اور حوصلہ افزائی کیلئے ممنون و مشکور ھوں ۔۔۔۔۔۔۔۔۔۔ خوش آباد و خوش مراد ۔۔۔۔۔۔۔

 

[محمد بلال اعظم]

لاجواب غزل۔
کئی بار ایس ایم ایس کے ذریعے۔ آج دوبارہ موصول ہوئی تو خیال آیا کہ دیکھا جائے، یہ خوبصورت غزل کن کی تخلیق ہے۔
گوگل انکل محفل پہ لے آئے۔
بہت ہی خوبصورت غزل ہے۔ صبح سے بار بار پڑھ کے لطف لے رہا ہوں۔