فنا بلند شہری دل ہے مرا صنم کدہ دین ہے میرا کافری- فنا بلند شہری

[فرحان محمد خان]

عشق صنم نماز ہے ، ہے یہی زندگی مری
دل ہے مرا صنم کدہ دین ہے میرا کافری

سر بہ سجود ہوں صنم ، بت کدہِ مجاز میں
دے گئی بت پرستیاں تیری ادائے دلبری

زاہدِ عشق سے جدا مذہبِ عشق ہے مرا
جھکنا درِ نقیب پر میرے لئے ہے بہتری

میرے سرِ نیاز کو دیر و حرم کرے سلام
مجھ کو ترے خیال نے بخشی ہے وہ قلندری

صدقے کروں میں جان و دل یار کے پائے ناز پر
ہے یہی اسودِ حرم ہے یہی تاجِ خسروی

تیری نگاہِ ناز ہے میری طلب کی آبرو
تجھ پہ نثار اے صنم حسنِ بتانِ آذری

اٹھ کے ترے دیار سے جائے ترا فناؔ کہاں
کعبہِ چشمِ عشق ہے تیرا جمال اے پری​

فناؔ بلند شہری​

 

[محمد عدنان اکبری نقیبی]

زاہدِ عشق سے جدا مذہبِ عشق ہے مرا
جھکنا درِ نقیب پر میرے لئے ہے بہتری

حق نقیب ،ھوالنقیب
بے شک ۔
واہ بھائی ، بہت خوب مولانا ۔ماشاءاللہ

 

[فرحان محمد خان]

حق نقیب ،ھوالنقیب
بے شک ۔
واہ بھائی ، بہت خوب مولانا ۔ماشاءاللہ

شکریہ نوازش جناب کی