عدم دنیا کے جور پر نہ ترے التفات پر

[معاویہ وقاص]

دنیا کے جور پر نہ ترے التفات پر​

میں غور کر رہا ہوں کسی اور بات پر​

دیکھا ہے مسکرا کے جو اس مہ جبیں نے​

جوبن سا آگیا ہے ذرا واقعات پر​

دیتے ہیں حکم خود ہی مجھے بولنے کا آپ​

پھر ٹوکتے ہیں آپ مجھے بات بات پر​

میں جانتا تھا تم بڑے سفاک ہو مگر​

انسان کو اختیار نہیں حادثات پر​

جینا ہے چار روز تو اے صاحب خرد​

گہری نظر نہ ڈال فریب حیات پر​

ایسی حسین باتیں ہوئی بھی ہیں سچ کبھی​

میں کس طرح یقین کروں تیری بات پر​

عبدالحمید عدم​