دور تک اک سراب دیکھا ہے

[ذوالفقار نقوی]

دور تک اک سراب دیکھا ہے
وحشتوں کا شباب دیکھا ہے

ضو فشاں کیوں ہیں دشت کے ذرے
کیا کوئی ماہتاب دیکھا ہے

بام و در پر ہے شعلگی رقصاں
حُسن کو بے نقاب دیکھا ہے

نامہ بر اُن سے بس یہی کہنا
نیم جاں اک گلاب دیکھا ہے

اب زمیں پر قدم نہیں ٹکتے
آسماں پر عقاب دیکھا ہے

میری نظروں میں بانکپن کیسا
جاگتا ہوں کہ خواب دیکھا ہے

ذوالفقار نقوی
​

 

[ذوالفقار نقوی]

قیصرانی صاحب....بہت شکریہ

 

[قیصرانی]

بہت خوب

ضو فشاں کیوں ہیں دشت کے ذرے
کیا کوئی ماہتاب دیکھا ہے

پہلے مصرعے سے مجھے لگا کہ شاید اقبال کی طرز پر ہم سائنس کی طرف جا رہے ہیں۔ لیکن دوسرے مصرعے سے بات واضح ہوئی کہ ایسا نہیں

 

[ذوالفقار نقوی]

بہت شکریہ قیصرانی صاحب .... اگر آپ سائنسی اشعار پسند فرمائیں تو پیش کروں...

 

[قیصرانی]

بہت شکریہ قیصرانی صاحب .... اگر آپ سائنسی اشعار پسند فرمائیں تو پیش کروں...

نیکی اور پوچھ پوچھ

 

[ذوالفقار نقوی]

یہ نیکی کسی نئی لڑی کے تحت پیش کر دی جائے گی...ان شا اللہ