دُعا نہیں تو کِسی بَد دُعا کی زَد مِیں ہے - (غزل)

[عؔلی خان]

*~* غزل *~*​

​

دُعا نہیں تو کِسی بَد دُعا کی زَد مِیں ہے​

ہمارا گھر ہی ہَماری بَلا کی زَد مِیں ہے​

​

یہ جِسم ٹُوٹ کے آخِر بِکھَر تو جَائے گا​

مَگر اَبھی یہ خُود اَپنی اَنا کی زَد مِیں ہے​

​

فِراق مِیرے لیے مَسٔلہ نَہیں ہے مَگر​

کِسی کا پیار کِسی کی وَفا کی زَد مِیں ہے​

​

مَیں شَایَد اِس لیے گھر لوٹ کر نہیں جَاتا​

کہ مِیرا خَواب اَبھی اِشتہا کی زَد مِیں ہے​

​

حَقیقتوں سے مَفر بُزدلوں کا شیوہ ہے​

کُچھ اِس لیے بھی بَقا پھِر فَنا کی زَد مِیں ہے​

​

عؔلی یہ زِندگی اِس کے علاوہ کُچھ بھی نہیں​

کہ زَرد پَتّا مُسلسل ہوا کی زَد مِیں ہے​

​

© عؔلی خان – www.AliKhan.org/book.pdf​

​