اعتبار ساجد دھوپ کے دشت میں شیشے کی ردائیں دی ہیں

[نوید ملک]

دھوپ کے دشت میں شیشے کی ردائیں دی ہیں
زندگی! تو نے ہمیں کیسی سزائیں دی ہیں

شعلوں جیسی ہی عطا کی ہیں سلگتی بوندیں
آگ برساتی ہوئی ہم کو گھٹائیں دی ہیں

اک دعا گو نے رفاقت کی تسلی دے کر
عمر بھر ہجر میں جلنے کی سزائیں دی ہیں

دل کو بجھنے کا بہانہ کوئی درکار تو تھا
دکھ تو یہ ہے ترے دامن نے ہوائیں دی ہیں

کیسا ماحول ملا ہے ہمیں جینے کے لئے
دینے والے نے ہمیں کیسی فضائیں دی ہیں

اعتبار ساجد

 

[محمد وارث]

شکریہ نوید صاحب خوبصورت غزل شیئر کرنے کیلیئے

 

[فرخ منظور]

بہت شکریہ نوید صاحب - بہت اچھی غزل ہے -

 

[گرو جی]

شکریہ نوید صاحب

 

[سارہ خان]

بہت خوب نوید ۔۔