دھوپ کے ساتھ گیا ساتھ نبھانے والا - وزیر آغا

[ثمینہ معیز]

دھوپ کے ساتھ گیا ساتھ نبھانے والا
اب کہاں آئے گا وہ لوٹ کے آنے والا

ریت پر چھوڑ گیا نقش ہزاروں اپنے
کسی پاگل کی طرح نقش مٹانے والا

سبز شاخیں کبھی ایسے تو نہیں چٹخی ہیں
کون آیا ہے پرندوں کو ڈرانے والا

عارض شام کی سرخی نے کیا فاش اسے
پردہ ابر میں تھا آگ لگانے والا

سفر شب کا تقاضہ ہے میرے ساتھ رہو
دشت پر ہول ہے طوفان ہے آنے والا


مجھ کو در پردہ سناتا رہا قصہ اپنا
اگلے وقتوں کی حکایت سنانے والا

شبنمی گھاس، گہنے، پھول، لرزتی کرنیں
کون آیا ہے خزاؤن کو لوٹانے والا

اب تو آرام کریں سوچتی آنکھیں میری
رات کو آخری تارا بھی ہے جانے والا

(وزیر آغا)

 

[علی ذاکر]

سفر شب کا تقاضہ ہے میرے ساتھ رہو
دشت پر ہول ہے طوفان ہے آنے والا


کمال ہے شکریہ !

مع السلام

 

[الف عین]

یہ شعر بحر سے خارج ہے:
سبز شاخیں کبھی ایسے تو نہیں چٹختی ہیں
کون آیا ہے پرندوں کو ڈرانے والا
ممکن ہے کہ یوں ہو:
سبز شاخیں کبھی ایسے تو نہیں چٹخی ہیں

 

[کاشفی]

عمدہ جناب!۔۔شکریہ شریک محفل کرنے کے لیئے۔۔۔

 

[محمد وارث]

لاجواب۔۔۔۔۔۔۔۔

 

[الف عین]

ایک اور شعر پر مجھے شک ہے وارث
شبنمی گھاس، گہنے، پھول، لرزتی کرنیں
کون آیا ہے خزاؤن کو لوٹانے والا
یہ ‘گھنے پھول‘ کیسے ہوتے ہیں، اور گہنے پھول تو ہو ہی نہیں سکتے۔

 

[محمد وارث]

آپ نے بالکل درست کہا اعجاز صاحب، لیکن بہرحال اسکی تصحیح آغا صاحب کا "اصل کلام" دیکھ کر ہی ہو سکتی ہے۔