اشرف علی بستوی
محفلین
دہلی کے سابق وزیر اعلیٰ اروند کیجری وال پرآج انڈے اور ٹماٹر پھینکے گئے
نئی دہلی: اروند کیجریوال کی انتخابی ریلی میں کیجری وال پر آج انڈے اور ٹماٹر پھینکے گئے۔ یہ ریلی دہلی کے سلطانپور ماجرا میں ہو رہی تھی۔ ایک میڈیا رپورٹ میں یہ بھی دعوی کیا گیا ہے کہ پتھر بھی پھینکے گئے ہیں۔
روزنامہ دینک بھاسکر نے خبر دی ہے کہ واقعہ کے بعد کیجریوال نے کہا کہ وہ اس طرح کی حرکتوں سے ڈرنے والے نہیں ہیں۔ کچھ دن پہلے بھی کیجریوال کی انتخابی ریلی میں پتھر پھینکے گئے تھے۔
اس واقعہ پر کانگریس لیڈر آلوک شرما نے کہا کہ سارے انڈے اور پتھر کیجریوال پر ہی کیوں پھینکے جا رہے ہیں؟ کہیں، اس میں ان کا ہی ہاتھ تو نہیں ، بی جے پی نے کہا کہ اس معاملے کی جانچ ہونی چاہئے۔
واقعہ کے بعد کیجریوال نے کہا کہ فکر نہ کریں ، اس کا مطلب یہ ہے کہ ہمارے مخالف ڈر گئے ہیں۔
میں بی جے پی اور کانگریس کو بتانا چاہتا ہوں کہ اگر وہ یہ سمجھتے ہیں کہ ہم پر پتھر پھینکنے سے ہم چپ رہیں گے شاید وہ یہ نہیں جانتے کہ ہم کس مٹی کے بنے ہوئے ہیں۔
- See more at:http://www.asiatimes.co.in/urdu/Latest_News/2015/01/4202_#sthash.8NLcdf7M.dpuf
