دیوان گفتار بیخود: جب یہ کہا ہم نے تمہارا ادب کیا

[سید زبیر]

​

​

جب یہ کہا ہم نے تمہارا ادب کیا​

آنکھوں میں آنکھیں ڈال کے بولے 'غضب کیا​

وعدہ پر آپ آگئے یہ کیا غضب کیا​

احسان جو کبھی نہ کیا تہا وہ اب کیا​

قاصد کا کیا قصور جو چپ سادھ لے کوئی​

جو کچھ پڑہا دیا تہا ،ادا اس نے سب کیا​

چو کے ،جو ان کو راز محبت جتا دیا​

بہولے جو ان سے شکوہ رنج و تعب کیا​

دل ہم کو دیجیے یہ تمہارا سوال تہا​

ہمنے خدا کیواسطے اقرار کب کیا​

طاعت ہی کیا مری،وہ عبادت ہی کیا مری​

میں جانتا ہوں تو نے کرم بے سبب کیا​

قسمت کو ہم تو روتے ہیں روئینگے عمر بہر​

دشمن کا شکوہ کس نے کیا ،تم سے کب کیا​

اے دل اگر وہ شوخ قیامت میں بھی ملے​

یہ جاننا کہ وعدہ وفا اس نے اب کیا​

واعظ نے پہلے زہر اگلا نہ تہا کبھی​

کیا زہر مار ساغر بنت عنب کیا​

دل کانپتا ہے یا رب ملتی ہے جب نگاہ​

میں جانتا ہوں وار کوئی اس نے اب کیا​

درباں کی یہ مجال ،کہ یوں روک لے ہمیں​

ہمنے تمہارا پاس تمہارا ادب کیا​

اعجاز لب میں آپ کے جادو شریک ہے​

دشمن کو زندہ کرکے مجھے جاں بلب کیا​

تیری عطاکا تیری عنایت کا کیا شمار​

تو نے وہی دیا جو ہمنے طلب کیا​

بیخود کہیں خلل تو نہیں ہے دماغ میں​

آپ اور پہلے عذر جفا اس نے جب کیا​

​

مولوی عبد الحئی صدیقی بیخودبدایونی​

1857-1912​

​

پس تحریر: نشان زدہ الفاظ کی املا کتاب میں ایسے ہی ہیں​

​