دیکھئیے دیکھئیے پچتائیے گا - شور

[کاشفی]

غزل
(شور)

دیکھئیے دیکھئیے پچتائیے گا
غیر کے دم میں نہ آجائیے گا

غیر کو چاہو اگر بسم اللہ
دل ہمارا سا کہاں لائیے گا

اپنے بسمل کا اگر رقص کبھی
دیکھئیے گا تو پھڑک جائیے گا

یہ تو فرمائے ناصح پہلے
مجھ کو کیا آتے ہی سمجھائیے گا

میرے رونے کی حقیقت کہہ کر
دشمنوں کو کہیں ہنسوائیےگا

حضرت دل نہ کسی پر مرے
مرتے مرتے یوں ہی مرجائیے گا

چھیڑ کر نالوں کو اپنے اے شور
خلق میں شور نہ مچوائیے گا​

 

[فرخ منظور]

شکریہ کاشفی صاحب۔ میرے خیال میں ردیف میں شاید املا کی غلطی ہے۔
پچھتائیے گا
آجائیے گا
لائیے گا
دیکھیے گا تو پھڑک جائیے گا
وغیرہ وغیرہ

کاشفی صاحب ہو سکے تو غزل کو دوبارہ دیکھ لیں۔

 

[کاشفی]

سخنور صاحب۔۔بیحد شکریہ۔۔ہم نے دیکھ لیا۔تصحیح کردی۔اب آپ ذرا دیکھئیے تو۔۔۔۔۔

 

[فرخ منظور]

سخنور صاحب۔۔بیحد شکریہ۔۔ہم نے دیکھ لیا۔تصحیح کردی۔اب آپ ذرا دیکھئیے تو۔۔۔۔۔

بہت شکریہ کاشفی صاحب۔ دیکھ لیا۔ میرے خیال میں اب ٹھیک ہے۔

 

[محمد وارث]

یہ کون "شور" ہیں کاشفی صاحب، کچھ آگے پیچھے

 

[کاشفی]

یہ کون "شور" ہیں کاشفی صاحب، کچھ آگے پیچھے

وارث صاحب۔۔یہ شور صاحب۔۔وہ شور ہیں جو داغ رحمتہ اللہ علیہ کی زمین میں ہی اپنی غزلیں کہتے تھے۔۔۔۔