دیکھتا ھوں ,,,

[anwarjamal]

خیال و خواب میں جب اس پری کو دیکھتا ھوں

پلٹ کے گزری ھوئی زندگی کو دیکھتا ھوں

سنا ھے آج وہ آئے گا شام ڈھلتے ھی

فلک سے آتی ھوئی روشنی کو دیکھتا ھوں

میں دیکھتا ھوں مجھے کوئی دیکھتا ھے بہت

مگر میں دور کسی اور ھی کو دیکھتا ھوں

نہ جانے کونسے گھر میں قیام ھے اس کا

میں اس گلی کو کبھی اس گلی کو دیکھتا ھوں

میں سوچتا ھوں تو پھر سوچتا ھی جاتا ھوں

میں دیکھتا ھوں تو پھر ھر کسی کو دیکھتا ھوں

تو دور جا کے بھی رہتا ھے میری یادوں میں

بچھڑنے والے ابھی تک تجھی کو دیکھتا ھوں

یہی ھے فرق ھمارے خلوص میں اے دوست

تم اپنے آپ کو میں دوستی کو دیکھتا ھوں

انور جمال انور

 

[امر شہزاد]

میں سوچتا ھوں تو پھر سوچتا ھی جاتا ھوں

میں دیکھتا ھوں تو پھر ھر کسی کو دیکھتا ھوں

کیا بات ہے آپ کی!

 

[الف عین]

واہ، اچھی غزل ہے ماشاء اللہ

 

[anwarjamal]

بہت ممنون ھوں ،،