الف نظامی
لائبریرین
مجھے کیسے معلوم ہوگا کہ یہ حالیہ تصاویر ہیں اور آپ گزشتہ سال کی تصاویر تو نہیں دکھا رہے؟
وزیر اعلی پنجاب سن 2012 میں انسداد ڈینگی مہم کے سلسلہ میں مختلف حکومتی اداروں کی سرگرمیوں پر مبنی تصویر ی سلائیڈ شو دیکھ کر مسلسل غصہ ہو رہے تھے۔
انسداد ڈینگی مہم کی یہ تصاویر کس جگہ کی ہیں اور کس وقت کھینچی گئی ہیں ؟ تصاویر سے کچھ معلوم نہیں ہوتا۔وزیر اعلی پنجاب سن 2012 میں انسداد ڈینگی مہم کے سلسلہ میں مختلف حکومتی اداروں کی سرگرمیوں پر مبنی تصویر ی سلائیڈ شو دیکھ کر مسلسل غصہ ہو رہے تھے۔
میٹنگ سے واپسی پر میں یہی سوچتا رہا کہ حکومت کے لیے اپنی ہی سرگرمیوں کی موثر نگرانی ایک بڑا مسئلہ ہے۔
- کیا سکول اساتذہ آج سکول میں حاضر تھے اور کلاس پڑھانے آئے؟
- کیا ڈرگ انسپکٹروں نے فی الواقع ادویات کے سٹوروں کا معائنہ کرنے کے بعد تعمیلی رپورٹ جمع کروائی؟
- کیا ضلع حکومت کے کارکنان نے ایسے علاقوں میں جہاں ڈینگی پھیلنے کا خدشہ ہے وہاں انسداد ڈینگی سپرے کیا یا نہیں؟
- کیا سینڑی کارکنان نے مون سون سے قبل سیوریج سے متعلقہ مسائل کا خاتمہ کر دیا؟
اس حوالے سے ہمارا پہلا اطلاقیہ (سافٹ وئیر) سٹی ڈسٹرکٹ گورنمنٹ لاہور کی " انسداد ڈینگی مہم" کے کارکنان کی سرگرمیوں کی نگرانی کرنے کے لیے بنایا گیا تھا۔انسداد ڈینگی مہم کے ہر کارکن کو ایک عدد اینڈرائیڈ سمارٹ فون دیا گیا تھا جس میں موجود اطلاقیے کی مدد سے کارکن تکمیل شدہ کام کی تصویر بنا کر اس کوجیو ٹیگ کرکے ( جی پی ایس کوارڈینیٹ شامل کرنا) ہمارے ڈیش بورڈ پر اپ لوڈ کر دیتا ہے۔
(جیو ٹیگ ایک ایسا عمل ہے جس سے تصویر میں اس مقام کی معلومات شامل کی جاتی ہے جہاں وہ تصویر کھینچی گئی)
اس کے بعد یہ نظام حاصل شدہ تصویر کو وقت اور کارکن کے فون نمبر کے ساتھ محفوظ کر لیتا ہے اور پھر تمام سرگرمی کو گوگل میپ پر دیکھا جا سکتا ہے اور اس طرح یہ جائزہ لینا بہت آسان ہے کہ کہاں اور کس وقت انسدادِ ڈینگی مہم کے کارکن کیا کر رہے ہیں۔
ڈیزیز سرویلینس: لاہور کے اس نقشہ میں دائرے ڈینگی کے مریضوں کو ظاہر کرتے ہیں اور سرخ نشانات ان مقامات کی نشان دہی کرتے ہیں جہاں ڈینگی مچھر کے لاروے پائے گئے۔
(ڈاکٹر عمر سیف)
ماخذ:
Punjab’s model of m-governance
متعلقہ:-
ڈینگی سرویلنس سسٹم سے متعلق دیکھیے ایک دستاویزی فلم
پنجاب انفارمیش ٹیکنالوجی بورڈکے تیار کردہ چند اینڈرائیڈ اطلاقیے:
آخری تدوین:
