بشیر بدر راکھ اڑتی ہے اب ہلالوں پر

[فہد اشرف]

راکھ اڑتی ہے اب ہلالوں پر
دھوپ تھی سیب جیسے گالوں پر

آگ محفوظ رکھیے سینے میں
برف جمنے لگی ہے بالوں پر

پیس کر کس نے لیپ دی ہلدی
سبز موسم کے سرخ گالوں پر

پیڑ تو کٹ چکا کہاں ہوں گے
جو چہکتے بہت تھے ڈالوں پر

تم بھی بک جاؤگے ہماری طرح
ایک دن چار چھ نوالوں پر

جنگلی لڑکیوں نے جنگل میں
پھول کاڑھے ہیں سبز شالوں پر

ناف میں پھول ران پر مچھلی
تتلیاں سو رہی ہیں گالوں پر

صرف اک خواب تھی جدید غزل
ناز کر ہم سے بےکمالوں پر

(بشیر بدر)
"امیج" سے انتخاب​

 

[فہد اشرف]

فرقان احمد بھائی ”امیج“ ڈے کو ”امیج“ سے کردیں۔ شکریہ

 

[چودھری مصطفی]

ان شاعروں کی اٹھکھیلیاں!!
ناف میں پھول، ران پہ مچھلی!!!

لا حول

 

[فہد اشرف]

ان شاعروں کی اٹھکھیلیاں!!
ناف میں پھول، ران پہ مچھلی!!!

لا حول

یہ تو کچھ بھی نہیں صاحب ”ندی“ میں اور بھی ”بھنور“ ہیں