سیف راہ آسان ہو گئی ہوگی

[خرد اعوان]

راہ آسان ہو گئی ہوگی
جان پہچان ہو گئی ہوگی​

موت سے تیری درد مندوں کی
مشکل آسان ہو گئی ہوگی​

پھر پلٹ کر نگاہ نہیں‌آئی
تجھ پہ قربان ہو گئی ہوگی​

تیری زلفوں کو چھیڑتی تھی صبا
خود پریشان ہو گئی ہوگی​

ان سے بھی چھین لو گے یاد اپنی
جن کا ایمان ہو گئی ہوگی​

دل کی تسکین پوچھتے ہیں آپ
ہاں میری جان ، ہو گئی ہوگی​

مرنے والوں پہ سیف حیرت کیوں
موت آسان ہو گئی ہوگی​

سیف الدین سیف​

 

[محمد وارث]

شکریہ خرد اعوان، سیف الدین سیف کی خوبصورت غزل شیئر کرنے کیلیئے!

 

[امر شہزاد]

مجھے اس مکمل غزل کی بڑے عرصے سے تلاش تھی، بہت شکریہ آپ کا!

 

[ملائکہ]

بہت ہی اچھی غزل ہے،شکریہ

 

[مرک]

بہت اچھی ہے۔

 

[حسن علوی]

ماشاءاللہ خرد بہت خوب۔ نہایت اچھی جا رہی ہیں۔ چلتی رہیئے گا

 

[فرخ منظور]

سیف کی یہ پسندیدہ غزل ہے میری خرد صاحبہ- بہت شکریہ

 

[مغزل]

بہت شکریہ خرد ۔
خردمندی کے ثبوت کیلئے ۔

 

[پیاسا صحرا]

غزل - راہ آسان ھو گئی ھو گی

راہ آسان ھو گئی ھو گی

جان پہچان ھو گئی ھو گی

موت سے تیرے درد مندوں کی

مشکل آسان ھو گئی ھو گی

پھر پلٹ کر نگاہ نہیں آئی

تجھ پہ قربان ھو گئی ھو گی

تیری زلفوں کو چھیڑتی تھی صبا

خود پریشان ھو گئی ھو گی

ان سے بھی چھین لو گے یاد اپنی

جن کا ایمان ھو گئی ھو گی

مرنے والوں پہ سیف حیرت کیوں

موت آسان ھو گئی ھو گی