رمضان اسپیشل؛ پوٹاٹو چکن ڈونٹس

[حمیرا عدنان]

"پوٹاٹو چکن ڈونٹس‘‘ جس کے ذائقے کو آپ کبھی بھول نہیں پائیں گے اور بار بار آزمائیں گے۔

اجزا:

آلو ایک کلو (اُبلے ہوئے)،
چکن کا قیمہ (آدھا کلو)،
دھنیا (آدھی گٹھی)،
سبز مرچ (پانچ عدد)،
پیاز (ایک عدد)،
انڈے (دو عدد)،
کارن فلور (چار کھانے کے چمچ)،
میدہ (چھ کھانے کے چمچ)،
ثابت سرخ مرچ ایک کھانے کا چمچ (کُٹی ہوئی)،
ادرک لہسن کا پیسٹ (ایک کھانے کا چمچ)،
گرم مصالحہ (ایک چائے کا چمچ)،
ہلدی پاؤڈر (آدھا چائے کا چمچ)،
نمک (حسب ذائقہ) اور
تیل (تلنے کے لئے)۔

ترکیب:

سب سے پہلے بلینڈر میں تمام اجزا شامل کریں اور اچھی طرح بلینڈ کر لیں، اب اس مکسچر کو گول کباب کی شکل میں تیار کر لیں اور انگوٹھے کی مدد سے چکن ڈونٹس کے درمیان سوراخ نکالیں۔ اب ان چکن ڈونٹس کو انڈے میں کوٹ کر کے بریڈ کرمبز میں رول کریں اورتیل میں فرائی کر لیں،لیجئے، مزیدار ’’پوٹاٹو چکن ڈونٹس‘‘ تیار ہیں ٹماٹو کیچپ یا ساس کے ساتھ پیش کریں اور مزہ دوبالا کریں۔

 

[لاریب مرزا]

آغاز میں جو پبلسٹی کی گئی ہے وہ تجربے پہ مبنی ہے؟؟

 

[لاریب مرزا]

ترکیب آسان اور مزیدار لگ رہی ہے۔ ہم بھی بنائیں گے۔

 

[حمیرا عدنان]

آغاز میں جو پبلسٹی کی گئی ہے وہ تجربے پہ مبنی ہے؟؟

نہیں میں نے ابھی تک ٹرائی نہیں کی یہ ترکیب جمعہ کو بناؤں گی ان شاءاللہ

 

[محمداحمد]

آغاز میں جو پبلسٹی کی گئی ہے وہ تجربے پہ مبنی ہے؟؟

نہیں میں نے ابھی تک ٹرائی نہیں کی یہ ترکیب جمعہ کو بناؤں گی ان شاءاللہ

حمیرا چاہ رہی تھی کہ جمعے سے پہلے کوئی اس ترکیب کو آزمالے سو تھوڑا سا فیڈ بیک مل جائے۔ کہ کیسے ہیں ۔ اور کیا غلطی نہیں کرنی۔