رنگ وچھڑے گلاباں دے۔ صغریٰ صدف

[فرحت کیانی]

رنگ وچھڑے گلاباں دے
موسم نے عذاباں دے

اک کچے گھڑے کیتے
منہ کالے چناباں دے

دریاواں دے پانی وچ
دھوکے نیں سراباں دے

ہوکے تے وی پابندی
دُکھڑے وچ کتاباں دے

رُت خوشیاں دی لنگھ گئی اے
موسم نیں حساباں دے


صغریٰ صدف

 

[محمد وارث]

ہوکے تے وی پابندی
دُکھڑے وچ کتاباں دے

واہ واہ واہ، کیا خوبصورت شاعری اے، شکریہ فرحت تہاڈا شیئر کرن لئی!

 

[مغزل]

اک کچے گھڑے کیتے
منہ کالے چناباں دے

دریاواں دے پانی وچ
دھوکے نیں سراباں دے

واہ کی کہنا۔۔۔ واہ واہ ۔۔
فرحت جی تسی گیت دے رنگ وچ صدف صاحبہ دی بڑی خوبصورت تے پر تاثر کلام پیش کیتا اے۔
میری طرفوں تہانوں پیش کرن لئی تے صدف جی نوں ایس اعلی کلام لئی مبارکباد
بہتا شکریہ

 

[ایم اے راجا]

بہت خوب فرحت صاحبہ، بہت خوب انتخاب اے، مبارک قبول ہوئے۔ شکریہ

 

[چاند بابو]

فرحت کیانی صاحبہ میرا پنجابی فورم وچ ایہہ پہلا پھیرا جے تے باوجود ایس گل دے کہ بی اے وچ میں پنجابی دا مضمون پڑھیا سی لیکن میرا نئیں خیال کہ میں ہون بنجابی چنگی لکھ سکدا واں۔
خیر ایہہ گلاں فیر سہی آیا تے ایتھے میں توانوں اینے چنگے انتخاب تے مبارک باد دین لئی سی۔ تے لو فیر میریاں مبارکاں قبول کرو تے سدا خوش رہو۔

 

[فرخ منظور]

بوہت ودیا کلام اے صغری صدف دی اک نثری نظم وی بڑی مشہور اے او لبھے گی تے پوسٹ کراں گا - اردو سیکشن وچ میں لکھیا سی کے صغری صدف ہوراں دا پنجابی کلام وی پوسٹ کرو لیکن فرحت صاحبہ نے پہلے ہی پوسٹ کیتا ہویا اے - بوہت شکریہ فرحت کیانی!

 

[آصف شفیع]

صغرا صدف ہوریں پنجابی تے اردو دوہواں زباناں وچ لکدیاں نیں۔ فرحت کیانی صاحبہ نے جیہڑا غزل دا انتخاب بھیجیا اے او بڑا چنگا لگیا۔
اک کچے گھڑے کیتے
منہ کالے چناباں دے
اس شعر توں میر ہوراں دا اک شعر یاد آ گیا۔
چمن میں گل نے جو کل دعوٰی ء جمال کیا
جمالِ یار نے منہ خوب اس کا لال کیا