روشنی

[جاسمن]

اگر اتنی مقدم تھی ضرورت روشنی کی
تو پھر سائے سے اپنے پیار کرنا چاہیئے تھا
یاسمین حمید

 

[جاسمن]

مری نمود کسی جسم کی تلاش میں ہے
میں روشنی ہوں اندھیروں میں چل رہا ہوں ابھی
نجیب احمد

 

[جاسمن]

موت سے زیست کی تکمیل نہیں ہو سکتی
روشنی خاک میں تحلیل نہیں ہو سکتی
نجیب احمد

 

[جاسمن]

دیا دیے سے جلاﺅتو روشنی ہوگی
دیا زمین میں بونے سے کچھ نہیں ہوگا
ندیم شاد

 

[عرفان سعید]

ہر طرف تیرگی تھی نہ تھی روشنی
آپ آئے تو سب کو ملی روشنی

بزم عالم سے رخصت ہوئی ظلمتیں
جب حرا سے ہویدا ہوئی روشنی

چاند سورج کا انساں پرستار تھا
آپ سے قبل اندھیرا تھی روشنی

سوئےعرش علٰی مصطفیٰ کا سفر
روشنی کی طلبگار تھی روشنی

ہے وہ خورشیدِاطلاق خیرالبشر
جس سے پاتا ہے ہر آدمی روشنی

خلقتِ اولیں خاتم المرسلیں
آپ پہلی کرن آخری روشنی

آپ کے نقشِ پا سے ضیا بار ہیں
دھوپ، سورج، قمر، چاندنی روشنی

ایک امی لقب کا یہ اعجاز ہے
آدمی کو ملی علم کی روشنی

(اعجاز رحمانی)

 

[جاسمن]

روشنی کی طلبگار تھی روشنی

سبحان اللہ!
جزاک اللّہ خیرا کثیرا۔

 

[رانا]

دیا دیے سے جلاﺅتو روشنی ہوگی
دیا زمین میں بونے سے کچھ نہیں ہوگا
ندیم شاد

اس شعر کے مضمون سے ایک دوسرا شعر یاد آگیا:

اندر بھی زمیں کے روشنی ہو
مٹّی میں دیا رکھ دیا ہے
(عبیداللہ علیم)