فرخ منظور
لائبریرین
روشن جمال ِیار سے ہے انجمن تمام
دہکا ہوا ہے آتش ِگُل سے چمن تمام
حیرت غرور ِحسن سے شوخی سے اضطراب
دل نے بھی تیرے سیکھ لیے ہیں چلن تمام
اللہ ری جسمِ یار کی خوبی کہ خود بخود!
رنگینیوں میں ڈوب گیا پیرہن تمام
دل خون ہوچکا ہے جگر ہو چکا ہے خاک
باقی ہوں میں مجھے بھی کر اے تیغ زن تمام
دیکھو تو چشم ِیار کی جادو نگاہیاں
بیہوش اِک نظر میں ہوئی انجمن تمام
ہے ناز ِحُسن سے جو فروزاں جبین ِیار
لبریز آب ِنور سے ہے چاہ ِذقن تمام
نشوونمائے سبزہ و گُل سے بہار میں
شادابیوں نے گھیر لیا ہے چمن تمام
اُس نازنیں نے جب سے کیا ہے وہاں قیام
گلزار بن گئی ہے زمین ِ دکن تمام
اچھا ہے اہلِ جور کیے جائیں سختیاں
پھیلے گی یوں ہی شورش ِ حُبّ ِ وطن تمام
سمجھے ہیں اہل ِمشرق کو شاید قریب ِ مرگ
مغرب کے یوں ہیں جمع یہ زاغ و زغن تمام
شیرینئی نسیم* ہے سوز و گداز ِمیر*
حسرت * ترے سخن پہ ہے لطفِ سخن تمام
* نسیم اور میر شاعروں کے تخلص
* حسرت - خود مولانا حسرت موہانی کا تخلص
دہکا ہوا ہے آتش ِگُل سے چمن تمام
حیرت غرور ِحسن سے شوخی سے اضطراب
دل نے بھی تیرے سیکھ لیے ہیں چلن تمام
اللہ ری جسمِ یار کی خوبی کہ خود بخود!
رنگینیوں میں ڈوب گیا پیرہن تمام
دل خون ہوچکا ہے جگر ہو چکا ہے خاک
باقی ہوں میں مجھے بھی کر اے تیغ زن تمام
دیکھو تو چشم ِیار کی جادو نگاہیاں
بیہوش اِک نظر میں ہوئی انجمن تمام
ہے ناز ِحُسن سے جو فروزاں جبین ِیار
لبریز آب ِنور سے ہے چاہ ِذقن تمام
نشوونمائے سبزہ و گُل سے بہار میں
شادابیوں نے گھیر لیا ہے چمن تمام
اُس نازنیں نے جب سے کیا ہے وہاں قیام
گلزار بن گئی ہے زمین ِ دکن تمام
اچھا ہے اہلِ جور کیے جائیں سختیاں
پھیلے گی یوں ہی شورش ِ حُبّ ِ وطن تمام
سمجھے ہیں اہل ِمشرق کو شاید قریب ِ مرگ
مغرب کے یوں ہیں جمع یہ زاغ و زغن تمام
شیرینئی نسیم* ہے سوز و گداز ِمیر*
حسرت * ترے سخن پہ ہے لطفِ سخن تمام
* نسیم اور میر شاعروں کے تخلص
* حسرت - خود مولانا حسرت موہانی کا تخلص
) بلکہ رنگا رنگ بزم آرائیوں کی یاد تازہ کروانے کیلیئے۔
