روپہلی سنہری بریانی

[محمد شمیل قریشی]

روپہلی سنہری بریانی ​

اجزاء :

چکن کا قیمہ ۔۔۔۔۔۔۔۔۔۔۔۔۔۔۔۔۔۔۔۔۔۔ آدھا کلو
پیاز ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک عدد ، چوپ کر لیں
ادرک ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک انچ کا ٹکڑا ، باریک کتر لیں
ہری مرچ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چار عدد ، باریک کتر لیں
ہرا دھنیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آدھی گٹھی
نمک ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسب ذائقہ
بمبئي بریانی مسالہ ۔۔۔۔۔۔۔۔۔۔۔۔۔۔۔۔ دو کھانے کے چمچ
چاندی کے ورق ۔۔۔۔۔۔۔۔۔۔۔۔۔۔۔۔۔۔۔ حسب ضرورت
کوکنگ آئل ۔۔۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچ

بریانی کے لیے :

باسمتی چاول ۔۔۔۔۔۔۔۔۔۔۔۔۔۔۔۔۔۔۔۔۔۔ آدھا کلو ، آدھے گھنٹے کے لیے بھگو دیں
نمک ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسب ذائقہ
دہی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آدھا کپ
ادرک ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیسٹ بنا لیں ، ایک چائے کا چمچ
لہسن ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیسٹ بنا لیں ، ایک چائے کا چمچ
کیوڑہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چند قطرے
پیاز ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دو عدد
بمبئي بریانی مسالہ ۔۔۔۔۔۔۔۔۔۔۔۔۔۔۔۔ بقیہ پیکٹ
زردہ کا رنگ ۔۔۔۔۔۔۔۔۔۔۔۔۔۔۔۔۔۔۔۔۔ ایک چٹکی
ہری مرچ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چار عدد
پودینہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آدھی گٹھی
کوکنگ آئل ۔۔۔۔۔۔۔۔۔۔۔۔۔۔۔۔۔۔۔۔۔ حسب ضرورت

ترکیب :

قیمے کے ہمراہ دیئے گئے تمام مسالے مکس کر کے قیمہ باریک پیس لیں اور اس آمیزے کی بالز تیار کر لیں ۔ آئل گرم کر کے بالز کو فرائي کریں اور چاندی کے ورق میں لپیٹ کر رکھتے جائیں ۔ اب دیگچی میں آئل گرم کر کے کٹی ہوئي پیاز سنہری کر کے نکالیں اور پیس لیں ۔ اسی آئل میں ادرک و لہسن کا پیسٹ اور بریانی مسالے کا پیکٹ دہی میں شامل کر کے ڈال دیں اور اچھی طرح بھون لیں ۔ مسالہ بھن جائے تو چکن بالز ڈال کر ہلکی آنچ پر دم کے لیے رکھ دیں ، دس منٹ کے بعد ڈھکن ہٹا کر ہلکے ہاتھ سے بھون کر اتار لیں ۔ چاولوں کو نمک ملا کر ابال لیں ۔ یہ یاد رہے کہ کنی رہ جائے ۔ ایک علیحدہ دیگچے میں چکن بالز اور مکسچر کی تہ لگائيں اور پھر اور سے پودینہ اور ہری مرچیں ڈال کر چاولوں کی تہ لگا دیں ۔ زردے کا رنگ ذرا سے دودھ میں ملا کر کیوڑہ بھی چھڑک دیں اور ہلکی آنچ پر دم لگانے کے لیے رکھ دیں ۔ روپہلی سنہری بریانی تیار ہے ۔

 

[سارہ خان]

نام تو خوبصورت ہے ہی ۔۔۔۔ترکیب بھی اچھی لگ رہی ہے۔۔۔۔میں ضرور ٹرائی کروں گی ۔۔۔

 

[ماوراء]

~~
ہمم۔۔واقعی بہت اچھی ترکیب ہے۔
~~

 

[ظفری]

ہائیں ۔۔۔ آپ ابھی تک ترکیب کی تعریف کر رہیں ہیں ۔ میں نے تو کل بنا کر کھا بھی لی ۔

 

[سارا]

ماورا بریانی کی شکل دیکھ کر مت پوچھو میری کیا حالت ہو رہی ہے۔۔۔

 

[ظفری]

ارے سارہ ایسی بھی کیا بات ہے یہ شادی کی بریانی تھوڑی ہی ہے ۔

 

[سارا]

شادی کی ہوتی تو پھر میں دیکھتی بھی نہیں۔۔۔شادی کی بریانی مزے کی ہو ہی نہیں سکتی۔۔

 

[ماوراء]

ماورا بریانی کی شکل دیکھ کر مت پوچھو میری کیا حالت ہو رہی ہے۔۔۔

~~
اوپر سے نام تو دیکھو نا۔ رو پہلی سنہری بریانی۔ میں تو کل صرف نام ہی پڑھ سکی تھی۔ کہ اگر ترکیب پڑھ لی تو پھر مجھے ابھی ہی بنانی پڑ جائے گی۔
~~

 

[قیصرانی]

بہت عمدہ شمیل بھائی۔
بےبی ہاتھی

 

[محب علوی]

شمیل چن کر نام ڈھونڈا ہے ، کیا عمدہ بریانی ہے اور کیا نام ہے

 

[مسلم]

ماشاء اللہ!
کیا ترکیب ھے!!!
‌واقعی آپ تو کھانے پکانے میں ماھر معلوم ھوتے ھیں۔۔۔

 

[دوست]

ایسے ہی لگتا ہے روپہلی سنہری بریانی اور اس کے ساتھ ماہر محمد شمیل قریشی۔۔۔۔۔۔۔۔

 

[پاکستانی]

عمدہ

 

[محمد شمیل قریشی]

دوستوں ! اب یہ بھی تو معلوم ہو کہ نام کے ساتھ ساتھ بریانی بنانے کی ترکیب بھی کام کی ہے یہ ‏نہیں ؟ کسی نے ٹرائي بھی کی کہ نہیں ؟ یہ ترکیب چھے ماہ سے آپ کے سامنے ہے ۔ ‏

 

[AMERICAN]

میری سسٹر سب سے اچھی بریانی بناتی ہیں۔