کاشفی
محفلین
غزل
(جوش ملیح آبادی)
رُکنے لگی ہے نبضِ رفتارِ جاں نثاراں
کب تک یہ تندگامی اے میرِشہسواراں
اٹھلا رہے ہیں جھونکے، بوچھار آرہی ہے
ایسے میں تو بھی آجا، اے جانِ جاں نثاراں
کب سے مچل رہی ہے اس زلفِ خم نہ خم میں
تعبیرِ خوابِ سُنبل، تفسیرِ بادوباراں
خُوبانِ شہر کیا کیا اترا کے چل رہے ہیں
آ بوستاں میں در آ، اے فاتحِ نگاراں
آنکھیں ہیں زخم خوردہ، دل ہے خزاں گزیدہ
تکلیفِ یک تبسّم ، اے دولتِ بہاراں
ہاں جوش کا ادب کر، یہ رندِ بادہ کش ہے
سردارِ نکتہ سنجاں، سرخیلِ پختہ کاراں
(جوش ملیح آبادی)
رُکنے لگی ہے نبضِ رفتارِ جاں نثاراں
کب تک یہ تندگامی اے میرِشہسواراں
اٹھلا رہے ہیں جھونکے، بوچھار آرہی ہے
ایسے میں تو بھی آجا، اے جانِ جاں نثاراں
کب سے مچل رہی ہے اس زلفِ خم نہ خم میں
تعبیرِ خوابِ سُنبل، تفسیرِ بادوباراں
خُوبانِ شہر کیا کیا اترا کے چل رہے ہیں
آ بوستاں میں در آ، اے فاتحِ نگاراں
آنکھیں ہیں زخم خوردہ، دل ہے خزاں گزیدہ
تکلیفِ یک تبسّم ، اے دولتِ بہاراں
ہاں جوش کا ادب کر، یہ رندِ بادہ کش ہے
سردارِ نکتہ سنجاں، سرخیلِ پختہ کاراں
