شاہ حسین رہئیے وو ! نال سجن دے رہئیے وو- شاہ حسین

[فرخ منظور]

رہئیے وو ! نال سجن دے رہئیے وو
لکھ لکھ بدیاں، تے سو تانے،سبھو سر تے سہیے وو
توڑے سرونجے دھڑ نالوں، تاں بھی حال نہ کہیئے وو
سخن جیہناں دا ہووے دارو' حال اُتھائیں کہیئے وو
چندن رُکھ لگا وچ ویہڑے' زور دھگانے کھہیئے وو
کہے حُسین فقیر سائیں دا، جیوندیاں مَر رہیئے وو

اوکھے لفظاں دے معنے

تانے: مہنے
سہیے : برداشت کرو
توڑے: جدوں تیکر
ونجے: چلا جاوے
دھڑ: جثہ
سخن : گل
جیہناں: جنہاں دا
دارُو: علاج
اتھائیں: اُسے تھاں
زور دھگانے: ایویں ہی

 

[محمد وارث]

واہ واہ واہ لا جواب، بہت شکریہ تہاڈا فرخ صاحب!

 

[فرخ منظور]

واہ واہ واہ لا جواب، بہت شکریہ تہاڈا فرخ صاحب!

بہت شکریہ وارث صاحب! اج اے کافی بڑی تنگ کر رہی سی ۔ سو ذہن وچوں کڈ کے رکھنی پئی ۔ ساڈے دوست افضل ساحر صاحب اک پروگرام کردے نیں ایف ایم 103 ریڈیو توں پیر نوں رات 12 بجے توں بعد اونہاں دے پروگرام دا ناں وی "نال سجن دے رہیے " ہے او جدوں وی پروگرام شروع کردے نے ایسے کافی توں شروع کردے نیں۔

 

[زونی]

بہت خوب فرخ‌بھائی !

ڈاڈا اوکھا کلام شئیر کیتا جے ، اللہ اللہ کر کے سمجھ آئی اے اوکھے لفظاں دے مطلب ویخ ‌کے

 

[زونی]

بہت شکریہ وارث صاحب! اج اے کافی بڑی تنگ کر رہی سی ۔ سو ذہن وچوں کڈ کے رکھنی پئی ۔ ساڈے دوست افضل ساحر صاحب اک پروگرام کردے نیں ایف ایم 103 ریڈیو توں پیر نوں رات 12 بجے توں بعد اونہاں دے پروگرام دا ناں وی "نال سجن دے رہیے " ہے تو جدوں وی پروگرام شروع کردے نے ایسے کافی توں شروع کردے نیں۔

فرخ‌ بھائی افضل ساحر دا پروگرام بہت اچھا ہوندا اے ، میں وی سندی آں جدوں موقع ملے پر ہن کافی دیر تو ریڈیو نال دوریاں پایاں ہویاں نیں

 

[محمد وارث]

میں کدی کدی، جے ہتھے چڑھ جاوے تے، فرحت عباس شاہ دا پنجاب ٹی وی تے چلن والا شو "نال سجن دے رہیئے" ضرور ویکھنا، ہاں اگر کوئی گلوکار چنگا ہوئے تے

 

[فرخ منظور]

فرخ‌ بھائی افضل ساحر دا پروگرام بہت اچھا ہوندا اے ، میں وی سندی آں جدوں موقع ملے پر ہن کافی دیر تو ریڈیو نال دوریاں پایاں ہویاں نیں

بہت شکریہ زونی کافی پسند کرن لئی ۔ میرا خیال اے ایف ایم دے سارے اینکرز توں سب توں بہتر افصل ساحر ای اے۔ میں کافی پروگرام سنے نیں پر افصل ساحر توں چنگا پروگرام ہور کوئی نئیں کردا۔

 

[فرخ منظور]

میں کدی کدی، جے ہتھے چڑھ جاوے تے، فرحت عباس شاہ دا پنجاب ٹی وی تے چلن والا شو "نال سجن دے رہیئے" ضرور ویکھنا، ہاں اگر کوئی گلوکار چنگا ہوئے تے

فرحت عباس نے تے خیر پروگرام دا ناں افصل ساحر دے پروگرام توں ہی رکھیا اے ۔ کیونکہ افصل تے کئی سالاں تو اے پروگرام کر ریا اے تے فرحت نے ہن ای شروع کیتا اے۔ خیر، فرحت دے پروگرام وچ میرے اک دوست وی آئے سان محمد جواد جہیڑے پنجاب یونیورسٹی وچ فلسفہ پڑھاندے نے تے نالے بہت چنگا کلاسیکی موسیقی گاندے نے ۔ راگاں تے ٹھاٹھاں دی اونہاں نوں کافی سمجھ اے۔

 

[زونی]

بہت شکریہ زونی کافی پسند کرن لئی ۔ میرا خیال اے ایف ایم دے سارے اینکرز توں سب توں بہتر افصل ساحر ای اے۔ میں کافی پروگرام سنے نیں پر افصل ساحر توں چنگا پروگرام ہور کوئی نئیں کردا۔

صحیح آکھیا جے ، اوہناں دے مقابلے تے لگدا اے مینوں ای پروگرام کرنا پے جانا اے

 

[فرخ منظور]

صحیح آکھیا جے ، اوہناں دے مقابلے تے لگدا اے مینوں ای پروگرام کرنا پے جانا اے

میں اپنا ریڈیو سٹیشن بنان دی سوچ ریاں تسی وی نال آجاناں ۔ عمار نے تے اپنا ناں دے دتا اے ایس ریڈیو لئی۔

 

[زونی]

میں اپنا ریڈیو سٹیشن بنان دی سوچ ریاں تسی وی نال آجاناں ۔ عمار نے تے اپنا ناں دے دتا اے ایس ریڈیو لئی۔

مذاق کر رہی سی فرخ‌ بھائی ، کتھے میں کتھے تسی سارے سخن شناس لوگ ، میرے لئی تے اے وی بڑی حیرت دی گل اے کہ تاڈی ایس محفل وچ میں وی موجود آں تے کافی کج سکھ رہی آں

 

[فاتح]

بھا فرخ میرا ناں وی پا لوو ریڈوے دے انجر پنجر دی صفائی وی تے آخر کسے کرنی اے کہ نئیں؟
میں تے ایہہ کافی پڑھدا جاندا سی تے سوچدا جاندا سی کہ کیہڑے کیہڑے اکھراں دا مطلب پچھنا اے تہانوں چٹھی لکھ کے پر نظم مکدیاں ای اوکھے لفظاں دے معنی سامنے پئے سی۔ میری تے جیویں دل دی مراد پوری ہو گئی تے ساڈھے واسطے تسی ای بھگت تے تسی ای قلندر۔ ایہہ دسو کیہ نذر کراں؟ جند توں توں وڈی شے نہ منگ بیہنا۔

 

[فرخ منظور]

مذاق کر رہی سی فرخ‌ بھائی ، کتھے میں کتھے تسی سارے سخن شناس لوگ ، میرے لئی تے اے وی بڑی حیرت دی گل اے کہ تاڈی ایس محفل وچ میں وی موجود آں تے کافی کج سکھ رہی آں

میرا خیال اے کہ تسی چنگی بھلی سخن شناس او ورنہ کدوں دی ایتھوں چلی گئی ہوندے۔ تہاڈی ایتھے موجودگی ای تہاڈے سخن شناس ہون دا ثبوت اے ۔ تے اپنے آپ نے سخن شناس سمجھیا کرو۔ صحت لئی چنگا ہووے گا۔

 

[فرخ منظور]

بھا فرخ میرا ناں وی پا لوو ریڈوے دے انجر پنجر دی صفائی وی تے آخر کسے کرنی اے کہ نئیں؟
میں تے ایہہ کافی پڑھدا جاندا سی تے سوچدا جاندا سی کہ کیہڑے کیہڑے اکھراں دا مطلب پچھنا اے تہانوں چٹھی لکھ کے پر نظم مکدیاں ای اوکھے لفظاں دے معنی سامنے پئے سی۔ میری تے جیویں دل دی مراد پوری ہو گئی تے ساڈھے واسطے تسی ای بھگت تے تسی ای قلندر۔ ایہہ دسو کیہ نذر کراں؟ جند توں توں وڈی شے نہ منگ بیہنا۔

حضور عالیٰ تسی تے میری زبان تے تالہ لگا چھڈیا اے۔ کج سمجھ نئیں آرہی کی بولاں تے کی نہ بولاں۔ سر جی اینی تعریف کر کے شرمندہ نہ کریا کرو۔ ساڈے واسطے تے تہاڈا دیدار ای کافی اے۔ بس دیدار کروا جایا کرو۔

 

[فرخ منظور]

ایہو کافی عابدہ پروین دی آواز وچ سنو۔

 

[فرخ منظور]

شاہ حسین دی ایہو کافی مانک علی دی آواز وچ سنو۔