نوید صادق
محفلین
غزل
رہینِ صد گماں بیٹھے ہوئے ہیں
مگر ہم رائگاں بیٹھے ہوئے ہیں
بظاہر ہیں بھری محفل میں لیکن
خداجانے کہاں بیٹھے ہوئے ہیں
اِدھر صحنِ چمن میں مجھ سے کچھ دور
وہ مجھ سے سرگراں بیٹھے ہوئے ہیں
اُدھر شاخِ شجر پر دو پرندے
مثالِ جسم و جاں بیٹھے ہوئے ہیں
ستارے ہیں کہ صحرائے فلک میں
بھٹک کر کارواں بیٹھے ہوئے ہیں
کنویں کی تہہ میں جھانکو عکس در عکس
یہاں سات آسماں بیٹھے ہوئے ہیں
کھنچی ہیں دل پہ پتھر کی لکیریں
نقوشِ رفتگاں بیٹھے ہوئے ہیں
ہمیں چا ہو، ہماری قدر کر لو
تمہارے درمیاں بیٹھے ہوئے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(خورشید رضوی)
رہینِ صد گماں بیٹھے ہوئے ہیں
مگر ہم رائگاں بیٹھے ہوئے ہیں
بظاہر ہیں بھری محفل میں لیکن
خداجانے کہاں بیٹھے ہوئے ہیں
اِدھر صحنِ چمن میں مجھ سے کچھ دور
وہ مجھ سے سرگراں بیٹھے ہوئے ہیں
اُدھر شاخِ شجر پر دو پرندے
مثالِ جسم و جاں بیٹھے ہوئے ہیں
ستارے ہیں کہ صحرائے فلک میں
بھٹک کر کارواں بیٹھے ہوئے ہیں
کنویں کی تہہ میں جھانکو عکس در عکس
یہاں سات آسماں بیٹھے ہوئے ہیں
کھنچی ہیں دل پہ پتھر کی لکیریں
نقوشِ رفتگاں بیٹھے ہوئے ہیں
ہمیں چا ہو، ہماری قدر کر لو
تمہارے درمیاں بیٹھے ہوئے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(خورشید رضوی)
