ریکوڈک منصوبہ تانبے کی پیدوار ؛ اپ ڈیٹ

[الف نظامی]

معروف سائنسدان ڈاکٹر ثمر مبارک مند نے کہا ہے کہ اگر بلوچستان حکومت نے بروقت فنڈز جاری کر دیے تو 30 جون 2016 تک ریکوڈک سے 35ہزار ٹن سالانہ تانبے کی پیداوار شروع ہو جائے گی،تاہم ابھی تک 10 ارب روپے میں صرف ایک ارب 40کروڑ روپے جاری کیے گئے ہیں جبکہ تھر میں 100 میگا واٹ بجلی پیدا کرنے کے منصوبے کے لیے ڈھائی سال میں وفاقی حکومت نے صرف 16فیصد فنڈ جاری کیے ہیں۔
اتوار کو’’ آئی این پی‘‘ سے بات چیت کرتے ہوئے انہوں نے کہا کہ ریکوڈک منصوبے کے لیے حکومت بلوچستان نے دسمبر 2013 میں پچھلے مالی سال کے رکے ہوئے فنڈز جاری کیے ہیں تاہم ابھی تک رواں مالی سال کے بجٹ سے منصوبے کے لیے کوئی رقم جاری نہیں کی گئی جس کی وجہ سے ریکوڈک سے تانبے کی پیداوار تاخیر کا شکار ہو سکتی ہے۔ ڈاکٹر ثمر مبارک مند کا کہنا تھا کہ اگر صوبائی حکومت آئندہ ڈھائی سال میں بقیہ 8 ارب 60 کروڑ روپے بروقت جاری کر دے تو 30جون 2016 تک ریکوڈک سے 35ہزار ٹن سالانہ تانبے کی پیداوار شروع کر دیں گے۔

 

[x boy]

شکریہ بزرگوار،
افغانستان میں بھی بڑی مقدار میں تانبا ہے آج کی تاریخ میں سب سے زیادہ فائدہ اس تانبے سے چائنا کو ہے
جو ایک معاہدے کے تحت افغانستان باقاعدہ لے رہا ہے امریکہ کا اس سرزمین میں آنے کا مقصد ایک یہ بھی
ہے کہ وہاں منرلز اور میٹلز کو حاصل کی جائے۔
اسی طرح پاکستان میں بھی وہی کچھ کرانا چاہتا ہے جو افغانستان میں کرایا گیا۔
یہ سب پیسے کا کھیل ہے۔