زندگی۔۔۔اک پہیلی۔۔۔

[ماہا عطا]

​

زندگی۔۔۔
!!!کبھی میں زندگی کی پہیلی کو سمجھ نہیں پائی۔۔۔۔۔
کبھی درد بن کر اشکوں کی صورت بہتی ہے۔۔۔۔کبھی خوشی بن کر آنکھیں نم کر جاتی ہے۔کیا ہے زندگی۔۔۔۔
کبھی اُداس دوشیزہ کا گیت۔۔۔،،یا الہڑ مٹیار کا الہڑپن۔۔۔۔کسی فلسفی کا قول۔۔۔یا پھر مزاح نگار کا قہقہ۔۔۔۔کسی قیدی کی آنکھوں میں بسی بے بسی۔۔۔۔کہ آزاد پنچھیوں کی چہکار۔۔۔۔
اُبھرتے سورج کے دامن سے لپٹی کسی ماں کی اُمید۔۔۔۔ شام ڈھلے گھر کو پلٹتے بیٹے کی خالی جیب کی طرح برداشتہ۔۔۔
زندگی کیا ہے ۔۔۔۔کیوں ہے۔۔۔۔کس سے لپٹی ہے یہ زنجیر۔۔۔کہاں دامن ہے اس کا اڑا ہے۔۔۔۔
گھر سے باہر نکلےواپسی کی خبر نہیں۔۔۔
دہشت گردی کے خاتمے کے نام پر معصوموں کی زندگی سے کھیل۔۔۔۔
ایسے حالات میں زندگی موت ہے یا موت ہے زندگی۔۔۔۔۔۔
!!!!!!آپ کیا کہتے ہیں۔۔۔۔​

 

[محمد اسامہ سَرسَری]

بہت خوب! ماشاءاللہ بہت روانی آگئی ہے، اب تو سوچ رہا ہوں کبھی ضرورت ہوگی تو نثر کلام آپ ہی سے لکھوالیا کروں گا۔


(نیچے کی لڑی میں اراکین کو ٹیگ کرنے کا کوئی فائدہ نہیں، کیونکہ اس سے انھیں پیغام موصول نہیں ہوتا، بلکہ یہاں آپ کو دھاگے کی مناسبت سے لفظ یا الفاظ لکھنے چاہییں، مثال کے طور پر اس دھاگے کے لحاظ سے یہ لکھیں: ”زندگی“)

 

[مہ جبین]

اچھی تحریر ہے مانو
زندگی آخرت کی کھیتی ہے ، یہاں جو بوئیں گے وہی کل کاٹیں گے ، جو انسانیت کو مار رہا ہے ، اور جو انسانیت کو بچا رہا ہے ، سب اپنے اپنے اعمال کے حساب سے جزا و سزا کے حقدار ہونگے۔ لہٰذا ہر شخص اپنا احتساب کرتا رہے کہ میں نے وہاں کے لئے کیا بھیجا؟؟؟

 

[loneliness4ever]

بہت خوب بلکہ بہت ہی خوب

اور آخر میں بات آپ نے قاری پر چھوڑ دی کہ وہ کیا کہتا ہے
تو اتنا ہی کہہ پائے گا خاکسار کہ:


کبھی ہم نوا کبھی اجنبی اسی حال میں رہی زندگی
کبھی مل گئی کبھی کھو گئی اسی حال میں رہی زندگی
------------------------------------------------------
کبھی یہ طلب، کبھی وہ طلب، اسی حال میں، اسی بار میں
سدا خواہشوں کے حصار میں رہی زندگی یہ غبار میں