حسان خان
لائبریرین
زیب النسا کی قبر جو تھی خاک میں نہاں
صدیوں کے بعد اُس کا ملا گم شدہ نشاں
مشہور ہے جو تیس ہزاری کے نام سے
تھا گنجِ بے بہا اُسی میدان میں نہاں
مٹی میں مل رہا تھا دُرِ شاہوار حیف
اوجھل نظر سے خاک کے تودوں کے درمیاں
شاید پسِ فنا یہ تخلص کا تھا اثر
مخفی کی قبر بھی جو خفا میں رہی نہاں
اُگلا ہے خود بخود یہ دفینہ زمین نے
ممنونِ جستجو نہیں رودادِ بے کساں
تصویرِ دست بُردِ حوادث ہے سر بسر
ابھرا ہے فرشِ خاک پہ جو نقشِ رائگاں
گنبد ہے، مقبرہ ہے نہ لوحِ مزار ہے
تعویذِ قبر کا بھی ہے مٹتا ہوا نشاں
نے شمع ہے، نہ چادرِ گل ہے، نہ قبر پوش
مٹی کا ایک ڈھیر ہے عبرت کی داستاں
ویرانیِ لحد ہے مجاور سرِ مزار
زائر ہجومِ یاس، تباہی ہے پاسباں
ہے گرد سے اٹا ہوا انبار خاک کا
سبزہ تو کیا کہ شکلِ نمو بھی نہیں عیاں
اڑتی ہے خاک اور برستی ہے تیرگی
چھایا ہوا ہے حسرت و اندوہ کا سماں
روتی ہے بے کسی سرِ بالیں کھڑی ہوئی
تربت پہ کس مپرسی کا عالم ہے نوحہ خواں
بادِ صبا چڑھاتی ہے چادر غبار کی
ہیں ذرہ ہائے ریگِ بیاباں گہر فشاں
ہے اُس کی خوابگہ یہ شبستانِ خاک اب
زیبندہ جس کے دم سے تھے قصرِ فلک نشاں
جو دُختِ ماہ وش شہِ ہندوستاں کی تھی
تھا مصدرِ سخا و کرم جس کا آستاں
روشن چراغِ بزمِ سخن جس کے دم سے تھا
مشہور تھی جو شاعرۂ فیض ترجماں
اُس کو پسِ فنا ہے یہ مٹیا محل نصیب
دامن کو جس کے گردِ سرِ راہ تھی گراں
سچ ہے نہیں زمانے کو اک وضع پر قرار
نیرنگِ روزگار چنیں ہے گہے چناں
برحق کہ بے ثبات ہیں اسبابِ ظاہری
سچ ہے کہ انقلاب کی تصویر ہے جہاں
ہے امتیازِ شاہ و گدا تا بہ زندگی
ہے زیرِ خاک پست بلندیِ عز و شاں
وہ آج غرقِ خوں ہیں جو کل محوِ ناز تھے
وہ آج سرنگوں ہیں جو کل سرفراز تھے
(برق دہلوی)
صدیوں کے بعد اُس کا ملا گم شدہ نشاں
مشہور ہے جو تیس ہزاری کے نام سے
تھا گنجِ بے بہا اُسی میدان میں نہاں
مٹی میں مل رہا تھا دُرِ شاہوار حیف
اوجھل نظر سے خاک کے تودوں کے درمیاں
شاید پسِ فنا یہ تخلص کا تھا اثر
مخفی کی قبر بھی جو خفا میں رہی نہاں
اُگلا ہے خود بخود یہ دفینہ زمین نے
ممنونِ جستجو نہیں رودادِ بے کساں
تصویرِ دست بُردِ حوادث ہے سر بسر
ابھرا ہے فرشِ خاک پہ جو نقشِ رائگاں
گنبد ہے، مقبرہ ہے نہ لوحِ مزار ہے
تعویذِ قبر کا بھی ہے مٹتا ہوا نشاں
نے شمع ہے، نہ چادرِ گل ہے، نہ قبر پوش
مٹی کا ایک ڈھیر ہے عبرت کی داستاں
ویرانیِ لحد ہے مجاور سرِ مزار
زائر ہجومِ یاس، تباہی ہے پاسباں
ہے گرد سے اٹا ہوا انبار خاک کا
سبزہ تو کیا کہ شکلِ نمو بھی نہیں عیاں
اڑتی ہے خاک اور برستی ہے تیرگی
چھایا ہوا ہے حسرت و اندوہ کا سماں
روتی ہے بے کسی سرِ بالیں کھڑی ہوئی
تربت پہ کس مپرسی کا عالم ہے نوحہ خواں
بادِ صبا چڑھاتی ہے چادر غبار کی
ہیں ذرہ ہائے ریگِ بیاباں گہر فشاں
ہے اُس کی خوابگہ یہ شبستانِ خاک اب
زیبندہ جس کے دم سے تھے قصرِ فلک نشاں
جو دُختِ ماہ وش شہِ ہندوستاں کی تھی
تھا مصدرِ سخا و کرم جس کا آستاں
روشن چراغِ بزمِ سخن جس کے دم سے تھا
مشہور تھی جو شاعرۂ فیض ترجماں
اُس کو پسِ فنا ہے یہ مٹیا محل نصیب
دامن کو جس کے گردِ سرِ راہ تھی گراں
سچ ہے نہیں زمانے کو اک وضع پر قرار
نیرنگِ روزگار چنیں ہے گہے چناں
برحق کہ بے ثبات ہیں اسبابِ ظاہری
سچ ہے کہ انقلاب کی تصویر ہے جہاں
ہے امتیازِ شاہ و گدا تا بہ زندگی
ہے زیرِ خاک پست بلندیِ عز و شاں
وہ آج غرقِ خوں ہیں جو کل محوِ ناز تھے
وہ آج سرنگوں ہیں جو کل سرفراز تھے
(برق دہلوی)
