ساغر صدیقی : سرمایۂ حیات ہے سِیرت رسولؐ کی

[سید زبیر]

ساغر صدیقی : سرمایۂ حیات ہے سِیرت رسولؐ کی​

​

سرمایۂ حیات ہے سِیرت رسولؐ کی​

اسرارِ کائنات ہے سِیرت رسولؐ کی​

پُھولوں میں ہے ظہُور ستاروں میں نُور ہے​

ذاتِ خُدا کی بات ہے، سِیرت رسولؐ کی​

بنجر دِلوں کو آپؐ نے سیراب کر دیا​

اِک چشمۂ صفات ہے سِیرت رسولؐ کی​

چشمِ کلیم، ایک تجلّی میں بِک گئی​

جلووں کی واردات ہے سیرت رسولؐ کی​

جور و جفا کے واسطے برقِ ستم سہے​

دُنیائے التفات ہے سیرت رسولؐ کی​

تصویر زندگی کو تکلّم عطا کیا​

حُسنِ تصّورات ہے سیرت رسولؐ کی​

ساغرؔ سرور و کیف کے ساغر چھلک اُٹھے​

صبحِ تجلّیات ہے سیرت رسولؐ کی​

 

[محمد بلال اعظم]

ساغرؔ سرور و کیف کے ساغر چھلک اُٹھے
صبحِ تجلّیات ہے سیرت رسولؐ کی

سبحان اللہ​

بہت خوبصورت کلام​

 

[کاشفی]

جزاک اللہ۔ بہت خوب!
صلی اللہ علیہ وآلہ وسلم

 

[نایاب]

اک دیوانے کا فرزانگی بھرا کلام

پُھولوں میں ہے ظہُور ستاروں میں نُور ہے​

ذاتِ خُدا کی بات ہے، سِیرت رسولؐ کی​

بہت پرنور شراکت ​

اللہ آپ کو جزائے خیر سے نوازے محترم سید زبیر بھائی ​

 

[سیدہ شگفتہ]

خوبصورت، بہت خوبصورت

 

[سیدہ شگفتہ]

بنجر دِلوں کو آپؐ نے سیراب کر دیا​

اِک چشمۂ صفات ہے سِیرت رسولؐ کی​