حسرت موہانی :::::: سب تِرے دامِ تمنّا میں ہیں، اے یار ! بندھے :::::: Hasrat Mohani

[طارق شاہ]

غزل

سب تِرے دامِ تمنّا میں ہیں، اے یار ! بندھے
جِن بندھے، اُنس بندھے ، کافر و دیندار بندھے

دیکھنے ہی میں، ہیں وہ حلقۂ گیسُو نازُک
جِن میں کتنے ہی دل ہائے گراں بار بندھے

تم اگر سیر کو نکلو، تو پھنسیں دِل لاکھوں
دِل شِکاری کا وہ عالَم ،دَمِ رفتار بندھے

جب تِرا جلوہ نظر سوزِ مُسلّم ہے، تو پھر !
کِس خطا پر ہیں تِرے طالبِ دِیدار بندھے

پرتوِ حُسن سے زیبا ہی رہے گا ،حسؔرت
چاہے جس طور سے وہ طرۂ دستار بندھے

حسؔرت موہانی ​